Os treballadors de l’antiga TUZSA prencipiarán iste luns as suyas mobilizacions contra os despius

Ahier se realizó a primer reunión entre interpresa y representants sindicals, que remató sin alcuerdo

Parada_de_autobus_del_Pilar_49505Os treballadors de l’antiga TUZSA, hue denominada Autobuses Urbanos de Zaragoza (AUZ) en virtut d’as condicions establidas en o pliego d’a nueva contrata recientment adchudicada, comencipiarán o venient luns as suyas mobilizacions contra a pretensión d’a interpresa de fer fuera a 212 treballadors y de rebaixar un 10% os salarios d’a resta d’a plantilla.

A primera toma de contacto entre interpresa y treballadors dimpués d’haber-se feito publicas as intencions d’a patronal, tenió puesto ahiere y finalizó sin alcuerdo. Seguntes informó o comité d’interpresa, AUZ proposa de rebaixar o numero d’afectaus a truca de modificar o convenio colectivo vichent en bells puntos como “os flocos alzaus en descanso, as baixas voluntarias, u mas flexibilidat pa poder asignar as fiestas pagadas”, ye decir, aquellas festividatz en as qualas a o treballador le corresponda amprar servicio seguntes o suyo turno, y que pueden estar desfrutadas entre atro día posterior.

Frent a ixo, a representación sindical proposó a posibilidat de dar vacanzas a os treballadors afectaus en agosto y setiembre, con a finalidat de poder valurar a nueva situación dimpués d’a modificación d’as linias, y d’afrontar a partir d’octubre as modificacions que s’estimen necesarias. O comité preguntó tamién a la interpresa si heba sopesau a posibilidat de presentar un ERTE (Expedient de Regulación Temporal d’Emplego), que basicament consiste en ninviar cada mes a o personal excedent a l’ature, dica que a plantilla se regularice.

Os representants d’a interpresa descartoron istas proposas como que, dimpués d’as nuevas condicions d’a concesión, estiman que pa que a interpresa sía viable debe rebaixar a masa salarial un 10%.

O proximo día 30 i hai fixada una nueva reunión entre interpresa y treballadors. Un día antes, o luns 29 a las 20 horas en a plaza d’Aragón, tendrá puesto una concentración reivindicativa. O mierques 31 se celebrará una asamblea cheneral de treballadors pa decidir qué estratechia debe seguir o colectivo.

Fuent: http://www.cronicadearagon.es/wordpress/?p=43029

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.