Os treballadors de Tragsatec en Aragón s’enzarran contra l’ERE

L'ERE forachitará a 610 personas en tot o Estau, 9 d'ellas en Aragón, mas o personal temporal

Protesta contra l'ERE en Tragsatec en Madrit. Foto: Sección sindical de Trangsatec CGT

Protesta contra l’ERE en Tragsatec en Madrit. Foto: Sección sindical de Tragsatec CGT

Dende a pasada nueit a las 21 h., os treballadors de Tragsatec en Aragón s’han enzarrau en a siede prencipal de Zaragoza pa protestar contra l’ERE en a interpresa, que forachitará a 610 personas en tot o Estau. S’ha produciu enzarres tamién en puestos como Madrit, Sevilla, A Corunya u Valencia. Os enzarres se producen de traza “pacifica y reivindicativa”.

L’ERE se zarró sin acuerdo entra as partes. En Aragón, con una plantilla de 200 personas, 9 personas con contracto fixo serán feitas fuera. Totz os treballadors y treballadoras temporals, malas que rematen os suyos contractos, no serán renovaus.

Agora que, en Aragón, a situación economica de Trangsatec ye positiva y se preveyen encargos mientres tot l’anyo 2014, con o que a capacidat productiva d’a interpresa no se veyería reducida.

Una rispuesta a Os treballadors de Tragsatec en Aragón s’enzarran contra l’ERE

  1. Pingback: Os treballadors de Tragsatec en Aragón s’enzarran contra l’ERE | AraInfo | Achencia de Noticias d'Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.