Os usuarios d’a tarcheta ciudadana podrán votar o cartel d’as fiestas d’o Pilar 2014

Iste lunes prencipia lo plazo de presentación d'orichinals

Cartel Pilars 2011

Cartel ganador en 2011

A convocatoria d’o concurso ta fer o cartel anunciador d’as Fiestas d’o Pilar de Zaragoza d’o 2014, tien estianyo bellas novedatz que han trucau lo ficacio. Iste lunes s’ubre o plazo ta recibir os orichinals. L’autor d’o cartel ganador tendrá un premio de tres mil euros y os accesits, si bi’n ha, de seiscientos.

O proceso ta esleixir o cartel presienta bellas novedatz cuanto a anteriors edicions. En una primer fase, un churau, feito con profesional d’o disenyo, l’arte, a cultura y a comunicación, antimás de miembros d’entidatz socials y ciudadanas, trigarán os cincos millors cartels seguntes a suya opinión. D’entre ixas cinco propuestas, os usuarios d’a tarcheta ciudadana (bellas 200.000 personas, empadronadas en Zaragoza) podrán esleixir o cartel ganador. A votación se podrá fer on-line en a web d’o concello, y prensencialment en Zaragoza Cultural, en o Torreón Fortea d’a Plaza Sant Felipe de Zaragoza.

O plazo ta presentar cartels t’o concurso continará ubierto dica o 2 de mayo. O ganador se conoixerá t’a primer quincena d’o mes de chunio.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.