Os usuarios d’o centro de salut d’Azuara acusan de mentir a lo gubierno

O gubierno planeya sacar o servicio d'urchencias d'ixe centro de salut

Manifestants en esfensa d'a sanidat publica

Manifestants en esfensa d’a sanidat publica

Os vecins d’os lugars que fan servir o centro de Salut de Azuara han acusau a lo gubierno d’haber mentiu en dar as cifras d’emplego d’iste centro. A D.Ch.A. quier zarrar o servicio d’urchencias, basando-se en criterios de demanda y coste y dando unos datos d’emplego prou baixos.

Seguntes o gubierno, o centro de salut, que da servicio a Azuara, Lagata, Letuix, Moneva, Moyuela, Plenas y Sant Per de Lagata, en una anyada nomas i fuoron entre as 0:00 y as 8:00, 12 personas, 21 os cabos de semana y en atención a domicilio no bi habio que nueu citas.

Manimenos, dende a Plataforma contra a privatización d’a sanidat y dende o vecinamen d’istos lugars, acusan a lo gubierno de mentir. “Mienten de nuevas, y lo sabemos porque cadagún de nusatros conoix más de 12 actuacions d’urchencia feitas en una anyada” dicen en un comunicau os afectaus. As suyas estadisticas charran de más de 1000 actuacions anyals y remeran que o servicio d’urchencias funciona dende as 15:00 dica las 8:00. Cuanto a los diners que diz cabidat o gubierno sinyalan que a cifra va cambiando y se preguntan “qué vale una vida humana”.

Os vecins, que se movilizoron en Zaragoza o pasau diya 22, demandan a lo gubierno que les faigan plegar ixos datos que fan servir ta poder contrastar-los, ya que en o Centro de Salut d’Azuara no son autorizaus a dar-les-ne. Entienden que “no bi habrá garra problema en facilitar-les-ne, ya que si ells son los que los han feito publicos ta esfender as suyas proposas” nomás demandan tener “ixa mesma información ta poder esfender o posicionamiento nuestro“.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.