Os vecins de María Auxiliadora, en guerra contra a subestación electrica

O vico uescano cotina con as suyas reivindicacions

Levan anyadas demandando a Endesa y a o concello que se la leven d’o vico uescano sin éxito. Ta conseguir-lo han apareixiu en as depeixas con
as suyas orichinals campanyas. Hue, a luita por conseguir fer d’iste “un gran vico” continan.

Once anyadas d’existencia, 4.000 vecins, paz, tranquilidat y calidat de vida. Ixos podrían estar os adchetivos que describan a o vico María Axiliadora de Uesca si no estase porque en o suyo epicentro fa a a mbute de luz. Y no porque bi haiga muitas farolas, sono por a subestación electrica que, dende fa anyadas, se troba en o mell meyo d’o vico.

Encara  que ye cierto que quan s’instaló en Uesca no yera tan gran como en ye agora, tamién cal reconoixer que as cosas han cambiau y  hue ista chiqueta planta tien cientos de viviendas arredol, que  a chent que i vive dende fa una decada (y con mas rasmia mientres as zaguers quatre anyadas) demanda que se’n saque.Lo han feito con campanyas con proy esmaixiación, encara que sin guaire éxito. O suyo principal argumento son as ondas que fa a planta y que, en a suya opinión, son perchudicials. “No ye  normal que si nos plantamos con una bombiella en a puerta
s’enchegue sola”, sinyala Carmen García, presidenta de l’asociación de vecins.Os propios vecins d’iste vico, que agora mesmo ye un d’os mas
reivindicativos d’a ciudat nomas demandan que se les ascuite. “Dengún no puet preixinar que una ciudat d’a grandaria de Uesca tienga qualcosa parellana aintro d’a ciudat”, sinyala o vecin Javier Moreno.Cal remerar que quan se prencipioron a fer os primers edificios en o Concello de Uesca se charraba de meter a subestación difuera d’o casco. “Tot lo mundo creyeba que se fería pero a la fin a valor d’o terreno ye una y o peso d’a interpresa tamién cuenta, asinas que Elboj s’estimó más d’ascuitar-les a ells antis que no a os vecins”, como explica Moreno.
Cultura sobre tot
Son un vico reivindicativo pero ye chusto ixo lo que les ha feito convertir-se en una d’as cantonadas d’a ciudat con más cultura. La que han chenerada ells mesmos. No cal que parar cuenta en o torreón que, dimpués de barallar a-saber-lo, han convertiu en siede ta fer-ie toda mena d’actividatz, dende tallers dica charradas u cuentacuentos no sexistas.

Graciasa la faina d’o vecinamen, agora tienen a suya propia biblioteca, feita con donacions d’os uescanos a iste espacio, asinas como totz os
chuguetes que son en a cambra t’os más chicotz. Una alternativa a las fredas tardadas d’hibierno y ye que, tal y como denuncian, tampoco no tienen zonas verdes. “No bi ha parques ni quasi zonas de bandiadors asinas que agora toda la vida la femos arredol d’o torreón, que ye lo millor que tenemos”, indica una d’as vecinas.

“Nusatros no nos queixamos porque sí, sino porque nos calen cosas”, afirma Moreno. “Si o Concello no nos fa a ludoteca pues la creyamos
nusatros y asinas con tot: nos fan menos falta que no se creyen”,remata Moreno.

Fuent: http://www.aragon2.com/n-12857-4-vecinos_guerra_contra_subestacion_electrica

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.