Os vecins de Parque Goya celebrarán a fin de l’anyo iste sabado

Os vecins "Retallan l'anyo 2013, igual como fan os nuestros representants politicos con os servicios publicos"

Vecins de Parque Goya, de pasavillas por o vico (Foto: A.VV. Parque Goya)

Vecins de Parque Goya, de pasavillas por o vico (Foto: A.VV. Parque Goya)

Os vecins de Parque Goya podrán celebrar o cabo d’anyo iste sabado 28 a las 21:00, dimpués de una tardi d’actos y diversión que han organizau dende l’Asociación de Vecins. O pabellón de l’IES Parque Goya ye o puesto esleixiu t’os actos, que prencipiarán a las 18:00 con una actuación t’a catrinalla d’a companyía de teatro Almozandia, qui presentarán o espectaclo “Recicling, con a vasuera sí se chuega”.  Tamién bi habrá un bingo popular y discomovil antis de prencipiar l’acto de despedida de l’anyo 2013.

Dende l’Asociación de Vecins aseguran que “no i faltará cosa. Bi habrá bolsas de cotillón y unas ugas muito dulzas (conguitos).” A las 21:00 dos vecins, disbrazaus como Anne Igartiburu y Ramón García presentarán as “campanadas”. En sonar-ne cadaguna, os vecins presentarán “dotze reivindicacions en forma de deseyos que os vecins y vecinas de Parque Goya asperamos que se cumplan con o nuevo anyo.”

Os vecins han decidiu de fer iste acto porque “retallan l’anyo 2013, igual como os nuestros representants politicos fan con os servicios publicos, en cuenta de chestionar millor os presupuestos y repartir os retalles sin que afecten a los servicios más esencials”. Convidan, antimás, a totz os vecins a ir-ie con a chambreta de “I am PG”, que vende l’asociación “ta contrimostrar quanto goi te fa o vico”.

 

Una rispuesta a Os vecins de Parque Goya celebrarán a fin de l’anyo iste sabado

  1. Pingback: Os vecins de Parque Goya celebrarán a fin de l’anyo iste sabado | AraInfo | Achencia de Noticias d'Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.