Os vecins prencipian a restaurar a Casa d’o Pueblo de Chanovas

L'edificio yera en momentos d'esblodregar-se

Vista de Chanovas dende a suya ilesia

Vista de Chanovas dende a suya ilesia

Os vecins d’o lugar de Chanovas han prencipiau as obras ta restaurar l’edificio d’a Casa d’o Pueblo, a on que tamién i yera a escuela publica, o salón social y a casa d’a mayestra. Mientres a primer chornada s’ha escoscau, s’ha quitau enrona y s’han alazetau as partis que yeran más periglosas, pues l’edificio yera en as tres pedretas y podeba esboldregar-se en qualsiquier inte.Con istas accions o vecins de Chanovas, Lavelilla y Lacorte continan con as fainas de recuperación d’o lugar, que prencipioron en l’anyada 2001 quan tornoron a labrar as tierras d’o municipio. Os habitadors d’istos lugars estioron obligaus a albandonar-los fa ya 50 anyadas por a menaza d’un entibo que nunca no se fació. Encara que en 2008 prencipió a reversión d’as tierras t’a vecinalla, os trangos que s’han dau por agora son estaus bien poquetz.

Con istas accions, antimás de restaurar os lugars albandonaus y conseguir que se conserven lo millor posible quieren trucar o ficacio de l’Administración ta que acelere o proceso de reversión d’as tierras.

Una rispuesta a Os vecins prencipian a restaurar a Casa d’o Pueblo de Chanovas

  1. Pingback: Os vecins prencipian a restaurar a Casa d’o Pueblo de Chanovas | AraInfo | Achencia de Noticias d'Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.