Os vehiclos pesaus ya tienen un 50% de botifuera en o trampo aragonés de l’AP-68 dica Tudela

Ista mida s'adhibe a atras bonificacions en os peaches seguntes a mena de vehiclo y l'emplego d'a vía.

panelOs vehiclos pesaus que dende iste miercols pasan por a parti aragonesa d’a AP-68 tendrán una botifuera d’o 50% sobre o pre oficial, dimpués de sinyar-se l’alcuerdo entre a D.Ch.A. y AVASA, filial d’a colla Abertis. Con iste alcuerdo s’ixampla a botifuera ta ista mena de vehiclos que, dende o pasau 1 de chiner yera d’o 50% t’os movimientos internos en o trampo Zaragoza – Gallur y que agora plegará dica Tudela.

Ta beneficiar-se d’ista bonificación caldrá que o sistema de pago y control de paso emplegau por os usuarios siga o peache dinamico a telepeache (sistema VIAT), fendo servir ta ixo as vías de peache habilitadas de propio en as estacions de peache afectadas y habendo de tener instalau en o vehiclo o dispositivo que cal (OBU) ta l’emplego d’o sistema de telepeache.

Cal remerar que antimás, contina estando de baldes a AP-2 t’os vehiclos pesaus que vaigan en o trampo Alfacharín – Pina d’Ebro y a se bonifica con un 50% o peache Alfacharín – Fraga. Istas midas se suman t’as bonificacions ta vehiclos lixeros. Contina estando tamién de baldes os recorrius d’istos vehiclos si fan o trachecto de tornada en as 24 horas siguients a o viache d’ida en l’AP-68 y l’AP-2. S’aplica en os trampos d’as dos autopistas, ye decir, en os peaches d’Alagón y Gallur de l’AP-68 y en os que bi ha entre Alfacharín y Fraga, as dos incluyidas. “Tot con a enchaquia de  achiquir a siniestralidat y amillorar a calidat de vida d’os ciudadans”, dicen dende a D.Ch.A.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.