Óscar Latas y Carles Terès reciben os premios Arnal Cavero y Guillem Nicolau

L'acto d'entrega d'os premios tamién sirvió de refirme ta las luengas aragonesas

Os premios Arnal Cavero y Guillem Nicolau ya tienen nuevos destinatarios. En un acto presidiu por o director cheneral de Cultura, Humberto Vadillo, Óscar Latas y Carles Terés recibioron istos premios por as suyas obras en aragonés y catalán. L’antiga capitania cheneral de Zaragoza, an que se fació l’acto, estió a rebutir de chent, entre las que se reconoixeba a chent d’o mundo de l’aragonés y d’o catalán, como Francho Nagore, Chusé Aragüés, Mario Sasot, Antoni Bengoechea u Artur Quintana. O premio Arnal Cavero lo recullió l’escritor sarrablés Óscar Latas por a suya obra Chuegos florals. Latas en o suyo discurso, trucó o ficacio en a necesidat de continar fendo de l’aragonés una luenga de modernidat, que fuya d’os topicos y que siga capable de viachar en l’espacio y o tiempo.

Os ganadors d'os premios chunto a Humberto Vadillo (Foto: Marc Martí)

Os ganadors d'os premios chunto a Humberto Vadillo (Foto: Marc Martí)

O premio en catalán Guillem Nicolau ha siu iste anyo ta Carles Terés por Licantropía, una novela d’hombres lupo que pueblan as redoladas d’o suyo lugar natal, Torredarcas. Terés demandó a lo gubierno que fese os posibles ta que as luengas d’Aragón no se tresbatan por o camín, y ta que as nuevas cheneracions puedan continar charrando, escribindo y leyendo en catalán y aragonés, patrimonio de totz os aragoneses. O director cheneral de Cultura Humberto Vadillo tamién i fabló y lo fació reconoixendo a importancia de mantener o patrimonio cultural y editorial y sin mencionar expresament l’aragonés y o catalán, un patrimonio que dició “milenario”.

Os autors d’os libros ganadors sinyoron a-saber-los eixemplars d’o mesmo en un acto que sirvió de refirme tamién ta las luengas d’Aragón en un inte confuso y complicau a ran legal y educativo.

Tamién s’entregoron en l’acto o premio Miguel Labordeta ta obra en castellán, que estió ta Angélica Morales, o d’o disenyo editorial ta la editorial Jeckyl and Hill y o premio a la trachectoria profesional en o mundo d’o libro ta Editorial Acribia, creyada en 1957 por Pascual López.

Una rispuesta a Óscar Latas y Carles Terès reciben os premios Arnal Cavero y Guillem Nicolau

  1. Pingback: CHA denuncia que a D.Ch.A. no ha convocau os premios literarios en as tres luengas | Arredol - La Franja

Deja un comentario

Tu dirección de correo electrónico no será publicada. Los campos necesarios están marcados *

Connect with Facebook

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.