Pablo Iglesias presentará o prochecto “Podemos” en Zaragoza

A iniciativa se presentó en Madrit iste pasau viernes

Pablo Iglesias en a presentación d'a iniciativa

Pablo Iglesias en a presentación d’a iniciativa

A iniciativa Podemos será presentada iste chueves en Zaragoza, a partir d’as 19:00 en o Centro de Historias, con a presencia de belunas d’as personas que la empentan como Pablo Iglesias, Miguel Urbán y Raquel de la Riva. O prochecto ye encapezau por o propio Pablo Iglesias, profesor de universidat y presentador de televisión qui, dende fa un tiempo, ye cutiano enas rufiertas d’as televisions d’os mass media, alportando-ie unatra anvista sobre l’actualidat politica.

Podemos se presentó en Madrit o pasau viernes, dimpués de que Iglesias anunciase o suyo refirme a lo manifiesto titulau “Mover ficha: convertir o carranye en cambio politico” y que s’ufrise a presentar-se a las eleccions si se cumpliban tres condicions. A primer, que yera achuntar 50.000 refirmes en una web, podemos.info, se consiguió en tasament 36 horas. As atras dos condicions ye que siga un proceso d’unidat d’a cucha y que bi hese un proceso participativo de triga d’o candidato t’as eleccions europeas.

En a suya presentación, Podemos asegura que son “personas convencidas de que debant d’a situación d‘urchencia social, ye l’inte de fer un trango enta debant y de que fendo-lo nos imos a trobar con muita más chent. Os d’alto nos dicen que no se puet fer que aconortar-se y, como muito, esleixir entre as colors de siempre. Nusatros y nusatras pensamos que no ye tiempo de renuncias sino de mover ficha y sumar, ufrindo ferramientas a lo carranye y o deseyo de cambio.”

 

2 Rispuestas a Pablo Iglesias presentará o prochecto “Podemos” en Zaragoza

  1. Aspero qu’iste siga un primer trango ta constituyir un frent popular de cuchas qu’aglutine a totz os movimientos socials y partius que luitan per cambear a situgación que’n mos trobamos.

    Me ferba goi veyer en ista colla ta una ampla representación d’o nacionalismo aragonés.

    Profés que see pueden cambear as cosas si empentamos totz a ixena!

  2. Tiene buena pinta, a ver que sale.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.