Palestina demanará estar miembro de plen dreito en a ONU

O president de l’Autoridat Nacional Palestina, Mahmud Abbas, demanara o diya 23 de setiembre en o plenario d’a Organización d’as Nacions Unitas a dentrada de Palestina como miembro de plen dreito, con as mugas reconoxitas en 1967. L’anuncio d’Abbas, que ha devantau un gran refirme dentre a poblacion palestina, asociacions de dreitos humans y paises que ya reconoixen a Palestina, habra de concarar as intincions d’os Estatos Unitos, Israel y a Unión Europeya que s’oposaran a cualsiquier trango entadebant en iste sentiu.

Dende Israel, o primer ministro Netanyahu, ha quiesto dixar esclatero que Israel nunca no reconoixera un estau palestino que no se alcuerde dentre Israel y os palestins en reunions bilaterals. Netanyahu ha dito que “a paz no s’aconsigue con decisions unilaterals en a ONU, ni triballando de conchunta con a organizacion terrorista Hamás“. Tamien ha menazato con dixar qualque negociacion de paz con os palestins si a ONU refirma a l’estau palestino y li premite formar parti d’a organización como miembro de plen dreito.

Dende Estatos Unitos, aliau tradicional d’os israelis, un vocero d’o Departamento d’Estato, ha feito l’anuncio que viedaran en o Consello de Seguridat una decision que premita a Palestina estar un estato reconoxito por la ONU. En a misma linia de Netanyahu, o vocero estatounitense, tamien ha refirmau a ideya de que nomás as negociacions bilaterals dentre Israel y os palestins, podran dixar una paz estable en a zona.

Israel, antimás, ha publicau un video ta esfender a suya posicion debant d’o que dicen “a voluntat palestina d’acotolar Israel“.

A intincion israeli ye contrarrestar l’anviesta cheneral d’o mundo sobre a situgacion palestina, redolaus por muros, con problemas d’augua y en una situgacion d’aislamiento por a presencia, de contino, de l’exercito israeli en as mugas y en os pasos.

Una rispuesta a Palestina demanará estar miembro de plen dreito en a ONU

  1. Dende que tiengo uso de razón ascuito fablar d’a baralla entre palestinos e israelis e continan d’a mesma traza. Israel ye una reyalidá, Palestina un dreito ye dificil posizionar-se.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.