Palestina demanda estar estau observador en a ONU

Ye previsible que surta a demanda d'o president palestino, Mahmud Abbas

O president de l’Autoridat Nacional Palestina, Mahmud Abbas, demandará hue en l’asamblea cheneral d’as Nacions Unidas que s’atorge a o suyo país a condición d’estau observador permanent, como o Vaticano. Agora fa un anyo d’a demanda no exitosa de convertir Palestina en un estau de pleno dreito d’a ONU, que s’encalló en o consello de seguridat.

En 1975, a ONU proposó a la Organización de Liberación de Palestina (OLP) d’esdevenir ‘l’unico representant lechitimo d’o pueblo palestino’ y le atorgó l’estatus d’entidat observadora permanent en l’asamblea cheneral: Palestina no yera reconoixida como estau d’a ONU, pero obteneba representación, amás d’o dreito de participar en as sesions de l’asamblea cheneral y de consultar a documentación.

Hue, con a demanda d’Abbas a l’asamblea cheneral, Palestina quiere elevar o suyo estatus aintro de l’organismo internacional y pasar d’estar una simpla entidat observadora en un estau observador. Tampoco no i sería un miembro de pleno dreito, pero i obtendría a reconoixencia como estau y, por tanto, podría recurrir a la chusticia d’o Tribunal Penal Internacional.

Iste estatus d’observador permanent en a ONU estió creyau en 1945 a demanda de Suiza y, con os anyos, l’obtenioron países como por eixemplo Austria, Finlandia, Italia y Chapón, antes d’esdevenir en miembros de pleno dreito d’as Nacions Unidas. Actualment solament o Vaticano disposa d’ista condición.

Ta esdevenir en estau de pleno dreito d’a ONU fa falta l’aval de nueu miembros d’o consello de seguridat -que en tien quince- y garra veto d’os cinco estaus permanents (os EE.UU., Francia, Gran Bretanya, Rusia y China). En cambeo, ta que Palestina se convierta en estau observador permanent o procedimiento ye mas simple: nomás ha d’obtener una mayoría simpla d’os 193 estaus miembros en l’asamblea cheneral. Actualment, 130 d’istos países ya han reconoixiu formalment a Palestina (mapa).

Fuent: http://www.vilaweb.cat/noticia/4059756/20121129/palestina-demana-observador-lonu.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.