Palestina demanda o suyo ingreso en as Nacions Unitas

A demanda no contara con o refirme d'o Consello de Seguridat, an que EEUU viedará que contine entabant

Mahmud Abbas, a demanda y Ban Ki Moon (Foto: ONU)

Mahmud Abbas, a demanda y Ban Ki Moon (Foto: ONU)

O president de l’Autoridat Palestina, Mahmud Abbas ha feito entrega d’a demanda formal ta la dentrada de Palestina como estau de plen dreito en as Nacions Unidas. Abbás, dimpués, ha feito o suyo discurso en l’Asambleya Cheneral, acusando a Israel de malmeter en o camín d’a paz en Orient Proximo, refirmau por EEUU. Tamien ha feito l’anuncio que Cherusalem estara a capital de l’estau palestino. A parti este de Cherusalem ye incluyita aintro as mugas de 1947, limites que demanda l’ANP.

A petición d’Abbás ha estau recibida con concentracións de refirme en Ramallah, Hebron o Nablus, an que s’han colocau pantallas chigants ta que se pueda siguir o discurso d’o president de l’Autoridat Nacional Palestina.

O president palestino ha dito estar disposau a tornar a negociar con os israelis, que refusan de raso o reconoiximient palestin, igual que EEUU. O president Obama dició que no s’amenistan alcorces ta la paz y que a negociación bilateral ye l’unico camin ta la paz.

O Consello de Seguridat habra de decidir, pero a peticion tien pocas oportunidatz de continar entabant, porque EEUU ya ha dito que exercira o suyo dreito a viedar cualsiquier proposa. Tampoco no os miembros europeos permaments y de turno refirmaran a demanda, mientres que no continen as negociacions dentre Israel y os palestins.

Si o Consello no apreba l’ingreso, l’Asamblea Cheneral, an que os palestins tienen a mayoria asegurada, podria adempribiar un status intermeyo ta Palestina como estau observador.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.