Palestina entrega a la ONU a documentación que cal ta sumar-se a tretze convenios y tractaus internacionals

Os tractaus incluyen as Convencions sobre os Dreitos d'o Nino y sobre a eliminación d'a Discriminación d'a Muller y sobre a Tortura

Foto: Crónica de Aragón

Foto: Crónica de Aragón

Palestina entregó iste miercols a la ONU a documentación que cal ta sumar-se a tretze convencions y tractaus internacionals. L’embaxador de Palestina, Riyad Mansour, estió l’encargau de entregar as tretze cartas a la chefa de Gabinete de Nacions Unidas, Susana Malcorra.

O coordinador especial d’a ONU t’o proceso de Paz en Meyo Orient, Robert Serry, habría recibiu os documentos, informó lo portavoz d’a ONU, Farhan Haq.

O portavz explicó que l’organismo mundial revisará las cartas ta considerar as midas que calgan.

Os tractaus que Palestina deseya de sumar-se-ie incluyen as Convencions de Viena sobre Relacions Diplomaticas y Consulars, y as Convencions sobre os Dreitos d’o Nino, sobre a eliminación d’a Discriminación d’a Muller y sobre a Tortura, entre atras.

Haq adhibió que Palestina tamién presentó documentación a los representants diplomaticos debant d’o suyo gubierno de Suiza y Holanda ta demandar sumar-se a las Convencions de Chinevra de 1949 y de La Haya sobre usos y costumbres de guerra.

O portavoz subrayó que en sinyar as cartas, o president de l’Autoridat Palestina, Mahmoud Abbas, enfatizó que a suya intención ye de continar as negociacions de paz con Israel prencipiadas en chulio de l’anyada pasada, baixo auspicios d’a ONU.

“Asperamos que se troben as trazas de continar entabant con as negociacions aintro d’o plazo de nueu mese fixau que rematará o 29 d’abril. A meta contina estando plegar en unas bases ta negociar un alcuerdo de paz amplo sobre l’estatuto final”, apuntó Haq.

Fuent: http://www.cronicadearagon.es/wordpress/?p=48825

Una rispuesta a Palestina entrega a la ONU a documentación que cal ta sumar-se a tretze convenios y tractaus internacionals

  1. Pingback: Palestina entrega a la ONU a documentación que cal ta sumar-se a tretze convenios y tractaus internacionals » AraInfo

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.