Palestina será miembro d’o TPI dende l’1 d’abril

L'ha confirmau hue o secretaire cheneral d'as Nacions Unidas

Mahmud Abbas, a demanda y Ban Ki Moon (Foto: ONU)

Mahmud Abbas y Ban Ki Moon en foto d’archivo (Foto: ONU)

O secretaire cheneral d’as Nacions Unidas (ONU), Ban Ki Moon, ha comunicau que ‘o estau de Palestina’ será miembro d’o Tribunal Penal Internacional (TPI) dende l’1 d’abril. O president palestino Mahmud Abbas fació a solicitut en cabo d’anyo y ha teniu una respuesta rápida. Con iste trango, o gubierno palestino podrá presentar denuncias a la cort penal contra o gubierno d’Israel por crimens de guerra. A mida permitirá tamién que sigan procesaus os grupos armaus palestinos.

O primer ministro d’Israel, Benjamin Netanyahu, reaccionó con contundencia agora fa una semana contra a decisión de Palestina que, seguntes ell, dinamitaba as opcions d’o proceso de paz.

Dica prencipio d’aviento, Palestina participaba en as reunions d’o TPI como ‘entidat observadora’. Allora, pasó a estar considerau ‘estau observador’. Y dende abril será estau miembro d’o tribunal internacional.

Fuent: www.vilaweb.cat/noticia/4226228/20150107/palestina-membre-tpi-partir-l1-dabril.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.