Papandreu ferá un referendum en Grecia y os mercaus tremolan

A bolsa caye, Alemania y Francia cretican a Papandreu, y os propios ciudadans griegos se preguntan porqué agora y no pas antis

Grecia prevoca un tierratremo en Europa. As Bolsas han rispuesto cayendo, y o mercau de deuda puyando, en especial as primas de riesgo espanyola y italiana.

O referéndum previsto por o primer ministro Papandreu sobre o segundo plan de rescate no ha sentau brenca bien a os mercaus. A bolsa d’Atenas perdeba un 6% nomás ubrir, Frankfurt un 4%, l’Ibex de Madrid, que ya ahiere iba a la baixa, contina a suya baixada.

Tamién o mercau d’a deuda ha respondiu a l’anuncio griego con temor. A prima de riesgo italiana contina puyando y s’amana a os 500 puntos basicos. Y tamién a espanyola que ha tornau a os rans anteriors a o pacto ta salvar l’euro d’a zaguer semana.

Papandreu pretende levar a referéndum o segundo plan de rescate, con una quita d’o 50% d’a deuda. Os ciudadans griegos podrán decidir si acceptan as retalladas que ixo traye dezaga…pero no lo veyen claro. No entienden porque agora y no antis, y creyen que ye una maniobra de Papandreu ta ganar tiempo.

Francia y Alemanya ya han amostrau a suya disconformidat con a intención de Papandreu. O G-20 s’achunta o chueves en Cannes y entre atras cosetas, analisarán una posible respuesta.

Tamién a l’atro costau de l’Atlántico bi’n ha preocupación. O president d’Estados Unidos, Barack Obama, ha clamau a fer una tuca con Europa. Será o día 28 de noviembre y bi participarán os presidents d’a Comisión y o Consello europeus y a representant d’Exteriors.

3 Rispuestas a Papandreu ferá un referendum en Grecia y os mercaus tremolan

  1. Pero pensábatz que os bancos y mercaus iban a permitir que se consultase a o pueblo? Prou que no! Ya pareix que bi ha movimientos en o Parlamento y en o partiu de Papandreu ta cesar-lo…

  2. O carambel que ufrirá Papandreu a lo pueblo griego ye ixa quita d’o 50% d’a debda. Con ixo quier qu’os griegos revlen cara t’as retalladas socials.

    As primas de risque, me se fa que continarán puyando tant y mientres l’economía no remunte y no remuntará mái con retalladas.

    Estó que Papandreu no presientó antis o referéndum perque no teneba garra carambel qu’ufrir-ne. Només aspero que os griegos no se deixen encantuciar y digan no en referéndum. Dezaga cal que vaigamos a resta.Mái no ye tardi.

  3. AAAAGGGH!

    Ppandreu traicionero!

    Mira que remerar-se d’a democracia a traición! Con o trato bueno bueno rico rico que son dando a Grecia a chent d’o ECOFIN y d’o BM! Asinas mos bosas enatizo!

    Mira que o pueblo ye mui egoista y no piensa en os intereses d’a banca chenrmana y francesa… hekatombe, holokausto, kataklismo!!

    Que sen floran os diners!

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.