Papandreu rebla y no ferá referendum en Grecia

En Cannes, os liders d'o G-20 analisan a crisi d'a deuda europeya

O primer ministro griego, Yorgos Papandreu, ha reblau y ha descartau convocar un referendum, como heba anunciau fa dos diyas. As presions conchuntas de Francia, Alemania y o FMI han feito que Papandreu retire a suya intinción y ufra a la oposición un gobierno de “unidat nacional” mientres que Grecia risponde a las retalladas y achustes que amenista ta recibir os diners d’o rescate.

A oposición encara no ha contestau la ufierta de Papandreu, pero ha reclamau a suya capeza ta planteyar-se un nuevo gubierno.

En Cannes, tanimientres, o G-20 yera aguaitando a situgacion en Grecia, y de feito, han rezagau cualsiquier mena d’alcuerdo dica que en Grecia se decida bella cosa en firme. O president francés, Nicolas Sarkozy, ha negau que Francia u Alemanya haigan presionau a Grecia, pero que s’ha feito dentrar en razón a Papandreu.

Sarkozy ha dito, amás que ye important mantener chunta a la zona euro. Ta o presidente francés, a moneda unica ye o corazón d’Europa y no se puede crebar una sin l’atra. A reunión d’o G-20 s’ha centrau en a crisi de deuda que traviesa Europa. En una trobada aparte, os liders d’a eurozona presents, han amostrau a suya intinción d’accelerar a reinversión en o fondo de rescate dica elevar-la a o billón d’euros. Poco mas s’ha alcordau en a tuca por l’inte. Espanya ha achugau porque os países mas fuertes tiren d’a locomotora d’o consumo. Y totz os países coinciden en a necesidat d’un plan global contra la crisi mundial, que agora por agora, no pareixe guaire amán.

Una rispuesta a Papandreu rebla y no ferá referendum en Grecia

  1. Capitalismo 1 – Democracia 0

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.