Pasa a disposición chudicial l’autor d’o tiroteyo de l’Actur en Zaragoza

O suposau autor estió deteniu en Tudela y en casa suya s'han trobau varias armas

Armas trobadas en casa d'o deteniu

Armas trobadas en casa d'o deteniu

O supuesto autor d’o tiroteyo de l’Actur en Zaragoza, deteniu en Tudela, pasara a disposición d’o chuez en as horas venients, dimpués de negar-se a fer declaración debant d’a policia en istas horas que ha pasau en comisaría. O deteniu, A.G.A. heba fuyiu ta Navarra y una vegada tornau ta Zaragoza a policia rechiró en casa suya, trobando l’arma que s’emplegó en o tiroteyo, una caixa con un arma curta dentro, que yera de fogueyo pero que s’heba adaptau a atros usos, una katana, dos cutiellos y una navalla.

Una baralla en o Bar El Rincón d’a carrera Alejandro Casona de Zaragoza remató con dos ferius o diez de noviembre, arredol d’as 20.00. Os ferius estioron un hombre, de bala en o chinollo, sin periglo de muerte, y una muller que recibié un golpe con un vaso de cristal.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.