Patrullas conchuntas entre a policía espanyola y a francesa en os Pirineus

Acuerdo de cooperación entre as policías de mugas espanyola y francesa ta patrullar de conchunta en os Pirineus

Auto d’a policía nacional francesa. Foto: Wikimedia Commons

S’ha sinyau hue en Canfranc un protocolo ta creyar una patrulla conchunta entre a policía nacional espanyola y a policía de mugas francesa con a intención d’amillorar y aumentar a cooperación policial a os dos costaus d’a muga, siempre respectando a sobiranía territorial, administrativa y chudicial d’os dos estaus.

Os achents foranos nomás ferán labors de refirme y asistencia. Cooperarán en inspeccions y controls ta prevenir delitos, amás de controls y identificacions en casos d’immigración. As patrullas son formadas por dos policías de mugas franceses, uno d’a policía chudicial francesa y tres policías espanyols d’a unidat de Canfranc. Os policías foranos portarán o suyo uniforme y arma reglamentarios. Os vehíclos policials que patrullarán por as carreteras de montanya pirinencas portarán os indicativos d’os cuerpos policials d’os dos estaus.

 

Una rispuesta a Patrullas conchuntas entre a policía espanyola y a francesa en os Pirineus

  1. Si yeranos pocos, libró a güela. Si nos pareixeba poco estar controlaus por una polizía colonial, agora nos fican a os franzeses. Ta pixar ni no chitar gota.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.