Pauner plega t’a tuca de l’Everest

Ye o primer montanyer aragonés en haber puyau t'os catorce "ueitomils"

L'Everest (Foto: Carlospauner.com)

L’Everest (Foto: Carlospauner.com)

O montanyero aragonés Carlos Pauner ha conseguiu en ista maitinada plegar en a tuca de l’Everest y ya ye prencipiando la baixada, como ha informau vía Twitter. Iste yera o zaguer d’os catorce “ueitomils” que le quedaba por fer, esdevenindo o primer aragonés en puyar ixas catorce tucas más alteras d’o mundo. Lo ha feito en ista ocasión de conchunta con Raúl Martínez, tamién aragonés.

Pauner y Martínez feban ista nueit a zaguer parti d’a puyada en siet horas, dende o Campo IV, en a vesant Sur d’a montanya. Antis de prencipiar, Carlos deciba en a suya web: “Con suerte, ixe diya [por hue] concararemos as pendients d’a piramide final de l’Everest, o teito d’o mundo. O nuestro alentar será angunioso, os trangos lentos y a fredor intensa. L’obchectivo pareixerá inalcanzable, encara que no reblaremos en a nuestra determinación de plegar en lo más altero. China chana luitaremos por ganar ista singular baralla y si tot va bien y os nuestros organismos aguantan sin esclatar, plegaremos en a tuca d’o mundo”.

En amandando-se t’a tuca, os montanyers troboron más dificultatz por l’airera que i soflaba. Manimenos tot ixo no podió con a suya rasmia ni moral y dimpués de plegar-ie, Pauner dentra en a historia chunto con os atros 31 montanyers que s’han feito os 14 ueitomils en toda la historia. Ista victoria le plega con 50 anyadas d’edat y dimpués de dotce anyadas de treballo. De maitins yeran baixando t’o Campo IV, dende a on que continarán a baixada.

 

O tweet de Pauner anunciando a tuca

O tweet de Pauner anunciando a tuca

 

 

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.