Pedalea demanda que Zaragoza “no se quede aguardando a lo nuevo reglamento d’a DChT”

As carreras de trafico restrinchiu se pueden habilitar ta bicicletas con l'actual normativa

Sinyal en o Puent de Piedra

Sinyal en o Puent de Piedra

O Colectivo zaragozano Pedalea ha ninviau un escrito t’a Consellería de Servicios Publicos y t’os miembros de l’Observatorio d’a Bicicleta, decindo-les de prener a iniciativa sin aguardar a lo nuevo Reglamento Cheneral de Circulación, que a DChT habría d’haber feito publico fa tiempo.

Pedalea recorda que con a normativa actual, se puede autorizar a circulación de bicicletas por as carreras de trafico restrinchiu, que autorizan o paso ta carga y descarga, acceso a garaches, taxis ocupaus u atros emplegos excepcionals. Nomás caldría que a bicicleta se incluyise en istas excepcions con os sinyals, como ya s’ha feito en bell punto concreto d’a ciudat, como lo puent de Piedra u bella perpendicular a Independencia.

Ista posibilidat ye avalada por un informe d’os servicios tecnicos de Movilidat que estió presentau a los miembros de l’Observatorio o pasau mes d’octubre. Ye una solución que, seguntes Pedalea, apanyaría prou a movilidat ciclista en muitos puntos d’o Casco Historico y atras zonas que dimpués d’a sentencia d’o TSJA son viedadas t’as bicicletas pero no pas a bells vehiculos a motor.

Pedalea considera que bi ha consenso sobre a circulación de bicicletas por ista mena de carreras y antimás se puede autorizar con l’actual normativa, por lo que considera que no bi ha garra razón t’aguardar a un nuevo reglamento.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.