Pedalea invia as suyas proposas t’o Concello de Zaragoza

Dimpués d'a polemica sentencia d'o TSChA creyen que cal facilitar a circulación de bicis por a calzada

 

Ciclista por o puent d'o tercer milenio (Foto: Zaragoza Turismo)
Ciclista por o puent d’o tercer milenio (Foto: Zaragoza Turismo)

O colectivo Pedalea, formau por ciclistas urbanos y cicloturistas, ha inviau a lo Concello de Zaragoza y a los miembros de l’Observatorio d’a bicicleta un documento con proposas d’actuación t’o trafico de bicicletas en a ciudat. As suyas proposas son todas de coste zero u muito baixo.

Pedalea creye que, dimpués d’a polemica sentencia d’o Tribunal Superior de Chusticia d’Aragón que quereba viedar a circulación de bicis por a cera, ‘ye l’inte de prener midas decididas que faciliten a circulación por a calzada’.

A más gran parti d’as midas proposadas son de sinyalización, obras menors y campanyas de promoción y información. Estendillar carrils bici, fer pacificar más calzadas, autorizar dobles sentius t’as bicis, … son belunas d’istas proposas.

Seguntes o colectivo ‘no sería acceptable que Zaragoza sufrise una anyada más d’aturada en o desembolique d’o Plan Director d’a Bicicleta. Ta ista inversión calen pocos recursos pero ye socialment y economica muito rendible’.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.