Pedro Arrojo charrará sobre a privatización de l’augua y os ríos en a ‘Universidat d’a plaza’ d’o 15M Uesca

O profesor denuncia un "proceso fosco de privatización d'as auguas" en Aragón

pedro-arrojoPedro Arrojo, profesor d’a Universidat de Zaragoza y Premio Goldmann de Medio Ambient, antimás d’activista d’os movimientos socials (actualment d’a “marea azula”), introducirá o debat sobre a privatización de l’augua y os ríos en o ciclo ‘Universidat d’a plaza’ d’o 15M de Uesca.

En a suya charrada, que se ferá ista mesma tardi a las 19:00 en a Facultat de Sciencia Humanas y d’a Educación, en a carrera Valentín Carderera 4, ferá “un repaso a los diferents modelos de privatización d’iste bien basico, que dende a sociedat se preba de que siga un dreito humano”. Dimpués charrará sobre a situación que ye habendo en Aragón con un “fosco proceso de privatización “feito por l’Instituto Aragonés de l’Augua, a partir d’o plan de depuradoras d’o Gubierno d’Aragón, de qui muitas d’as suyas intervencions considera que “habrían de motivar una investigación d’oficio d’a fiscalía anticorrupción”.

“Mientres a suya intervención conoixeremos como isto afecta a las personas y os municipios, y nos amanaremos a lo que pasa en diferents casos altoaragoneses, dende Ayerbe dica Chaca, Sobrarbe u Ribagorza. Tamién debatiremos sobre as vías d’intervención que puede desembolicar os ciudadans debant d’ista situación”, explican representants d’o 15M.

 

Fuent: http://arainfo.org/2014/02/pedro-arrojo-hablara-sobre-la-privatizacion-del-agua-y-los-rios-en-la-universidad-de-la-plaza-del-15m-uesca/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.