Pedro Rújula analiza en o Campus de Huesca o papel d’os afrancesaus aragoneses mientras a Guerra d’a Independencia

A charrada, ubierta a o publico, será iste lunes dende as 11,30 horas en a Facultat d'Interpresa y Chestión Publica.

Pedro Rújula analizará manyana, lunes 16 de chinero, en Uesca, o papel d’os afrancesaus aragoneses mientras a Guerra d’a Independencia. Iste professor d’o Campus uescano d’a Universidat de Zaragoza que aportará nuevos datos procedents d’archivos franceses, repasará la labor d’os aragoneses que colaborón con l’administración napoleonica a traviés d’a biografía de figuras como lo Comisario Agustín de Quinto, u, o suyo companyer d’exilio, l’Obispo de Uesca, Fray Miguel de Santander. A conferencia, ubierta a o publico, será iste lunes, dende as 11,30 horas en a Facultat d’Interpresa y Chestión Publica (Pza. Constitución, 1).

A revisión d’ideyas como traición, colaboración u mediación ta calificar o papel d’istos aragoneses que dimpués rematón en l’exilio europeyo, evolucionando enta posicións liberals, frent a l’absolutismo d’a monarquía espanyola, ferá parti d’a reflexión historica que proposará o ponent .

Ista actividat fa parti d’a programación de l’Asociación de Viellos Alumnos d’a Universidat d’a Experiencia d’o Campus uescano. A venient charrada d’iste ciclo se titulará “Dos uellos ta toda la vida”, que impartirá l’oftalmologo José Ignacio Serrano o día 30 de chinero, a  las 11,30 horas.

Fuent: http://www.unizar.es/actualidad/vernoticia.php?id=6634&idh=2187#

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.