Pedro Sánchez encara aspira a presidir o gubierno espanyol

O lider d´o PSOE diz que a situación a Catalunya no cambea os suyos plans pa intentar formar gobierno si Rajoy no lo aconsigue.

Daniel Sanchez

Pedro Sanchez (Foto: Wikipedia)

Pedro Sanchez (Foto: Wikipedia)

Pedro Sánchez ye convencito de que agún tien marguin pa arribar a la Moncloa. O lider d´o PSOE considera que a situación a Catalunya dimpués d´o alcuerdo entre Junts pel Sí e a CUP no complica os suyos plans pa formar un gobierno progresista. En una entrevista a la cadena SER l´ha dito a Pepa Bueno que “Ye mes urchent que nunca propiciar un cambeo a Espanya”.

O candidato socialista s´ufrirá “a cucha e dreita” pa intentar aconseguir os apoyos que amenista pa lograr una mayoría alternativa a la del PP. “No vamos a fer dengún cordón sanitario –ha contestau-. No ye l´inte de fixar líneas royas ni fablar desde atalayas”. Sánchez diz que pa aconseguir o alcuerdo tendrán que “fablar de lo que mos une”, que pa ell ye afianzar a remontadura, a creyación d´emplego e os cambeos en o sistema fiscal, entre otros. Tamién ha afirmato que pa os independentistas “lo que lis va bien ye que siga Rajoy”.

Pa fer mes facil un alcuerdo con Podemos ha reiterau que o PSOE proposa una reforma d´a Constitución en clau federal pa solucionar, entra atras cosas, o problema territorial. Ixo embrecaría un referéndum a nivel estatal per lo que Catalunya tamién se manifestaría a lo respecto. D´ista traza se daría respuesta a la propuesta de Podemos de reyalizar un referendum a Cataunya.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.