Pelegrín regresa a o Teatro Arbolé con “O caballero encantau”

Hue y maitín podrán vier-se as nuevas aventuras de Pelegrín en o Teatro Arbolé de Zaragoza

Arbolé Caballero-encantado1

Dos funcions, a las 18.00 horas o chueves y viernes. Pre d’entrada a 8 euros (7 bonificada y anticipada)

Pelegrín torna a o Teatro Arbolé de Zaragoza iste chueves y viernes pa recreyar en o puent de Sant Valer as suyas aventuras como “O caballero encantau”. Un espectaclo de titeres de mesa y actors.

“O Caballero encantau” ye a continación de “O caballero negro”, espectaclo en que Pelegrín s’enfrentaba a o dragón, a o rei d’o Pollo Frito y a os suyos caballers d’a buena mesa. A historia encomienza quan Pelegrín ha alcanzau a tuca. Dimpués d’haber feito fuera a o rei d’o Pollo Frito d’o suyo castiello, ye ya machestat y vive con a suya adorada Madalena. Pero una trobada fortuita de dos personaches en una selva desencadenará unos escayecimientos que meterán en periglo o suyo nuevo estau.

Concebida como un homenache a os cuentos clasicos, ista obra amana a o publico infantil y familiar un fascal d’historias, amás d’adentrar-se en o mundo de cómo se fabrican os cuentos. Pa ixo, Pelegrín será con os suyos amigos predilectos, os protagonistas d’os cuentos clasicos: o rei, os suyos caballers, a suya filla a princesa y una parella de divertius dragons.

Pelegrín, un personache fascinant

Pelegrín, o personache emblematico d’a companyía Teatro Arbolé, ye protagonista de muitos d’os espectaclos d’a companyía. Le ha pasau en a vida de tot, u quasi de tot. Ha habiu d’enfrentar a pantasmas inexistents (“A carrera d’as pantasmas” y “A casa encantada”) y a diaples pavorosos (“A olla d’o diaple” y “O sereno y o diaple”), ha luitau con exito contra o mal puro y explotador (“Pelegrín y os piratas”), exerciu de secundario de luixo en “Goya, o zaguer disparate”, luitau con dragons y caballers en “O caballero negro”, s’ha enfrentau con bandius (“Robaculeros” y “O ladrón de melons d’augua”), le han cambiau uellos por coda os suyos propios amigos (“O picardioso burlau” y “Una gambada animada”), ha corriu mil aventuras en leixanas galaxias (“Pelegrín, astronauta” y “2001 odisea en a cocina”) y ha pasau un ixambre d’avatars con a suya decisión de fer-se caballero andant (“As aventuras de Pelegrín”).

Iste puent de Sant Valer le ha tocau treballar unatra vez en “O caballero encantau”.

Fuent: http://arainfo.org/2015/01/pelegrin-regresa-al-teatro-arbole-con-el-caballero-encantado/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.