Periferias 14.0 tendrá a horror como tema protagonista

O festival ferá un homenache a l'escritor Javier Tomeo, que morió a pasada semana

cartel-periferias2013internet-250x330Se cumple iste 2013 catorce edicions d’o Festival Periferias de Uesca que chirará ista anyada arredol d’o chenero d’a terror. Amás, se i ferá homenache a o recientment falleciu escritor uescano Javier Tomeo, fascinau por tot o monstroso y por a horror vital.

Iste festival, que trescruza as mugas entre os diferents cheners artisticos, contará con un ixambre d’ufiertas culturals de toda mena (mosica, literatura, cine, teatro, danza, fotografía, artes plasticas, etc.) que tendrán como punto común a horror en as suyas diferents versions, no nomás o chenero d’a terror, sino tamién “a horror d’a guerra, Goya, Auschwitz, os Khmers Royos y todas as expresions d’a terror psicolochica, l’angunia y l’espanto debant d’a realidat”, seguntes comentan dende o festival.

O festival se realizará entre os diyas 30 d’octubre y 3 de noviembre y se celebrará a Nueit d’as almetas, fendo-se o diya 1 de noviembre l’homenache a Javier Tomeo.

O cartel d’o festival ha estau feito por o uescano Lorenzo Caudevilla Laliena, basando-se en o poema “O Cuervo” d’Edgar Allan Poe, chunto a peliculas como “O Resplandor” u peliculas d’Alfred Hitchcock.

Una rispuesta a Periferias 14.0 tendrá a horror como tema protagonista

  1. Pingback: Periferias 14.0 tendrá a horror como tema protagonista | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.