Periferias. Una achuga por os “outsiders” en Uesca

Dende o 21 d'octobre dica o 30, Uesca s'esviella en o festival de l'arte y a cultura outsider

Uesca vive dende iste cabo semana a 12ena edición de Periferias, o festival multidisciplinar que iste anyo leva como leitmotiv central os Outsider, os marguins d’a sociedad post-industrial. A edición d’iste anyo, con una programación bien parada y plena de sospresas, rechirará en as conexions de l’arte con a malotia mental, entre a cultura y a discapabilidat, en o que o festival clama “o sentiu estricto de l’arte outsider”.

Pero, como esplanica a organización, tamién s’adentrará en os outsiders voluntarios, o marguinal, o heterodoxo, tot o rilacionau con a creyación libre y a barrenadura como esprisión artistica. Y tota ixa programación concarando as corrients principals de l’arte, a videocreyación u la mosica.

Una sobrebuena ocasión ta deixar-se portar por os terrenos menos tramenaus d’a creyación artistica y d’a propia desperiencia vital. Dende iste mesmo cabo semana dica o 30 d’octobre Uesca se barrena enta l’arte libre y sin vergüenyas. O festival tamién tiene o suyo canal twitter que podetz siguir en @FestiPeriferias y una canal de tv online.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.