Piden a o Gubierno d’Aragón un plan pa protecher a laguna de Sarinyena

O grupo parlamentario d'IU ha demandau diagnosticar o estau de contaminación y iniciar midas pa millorar o estau d'as auguas d'a laguna

Vista aeria d'a Laguna de Sarinyena. Foto: Comarca d'Os Monegros

Vista aeria d’a Laguna de Sarinyena. Foto: Comarca d’Os Monegros

O grupo parlamentario IU Aragón ha proposau hue a o Gubierno que confeccione un plan d’empente d’a laguna de Sarinyena a traviés d’una Proposición no de Lei pa o suyo debat y votación en a Comisión d’Agricultura, Ganadería y Medio Ambient. Izquierda Unida reclama que iste plan permita, mientres ista lechislatura y en colaboración con colectivos conservacionistas y as institucions d’a zona, diagnosticar o estau de contaminación y d’a biodiversidat present en l’humedal y iniciar midas pa minimizar a contaminación y contribuir a la millora d’o estau d’as suyas auguas y biodiversidat.

IU ha presentau ista iniciativa debant d’a contaminación que sufre a laguna que, situada entre os ríos Flumen y Alcanadre, recibe os excedents d’augua de riego d’a zona y presienta importants nivels de nitratos y sulfatos fruito d’o modelo agropecuario. Pa o portavoz de Medio Ambient d’IU, Miguel Rusto, istes nivels de nitratos y sulfatos habrían d’estar controlaus, “en primer puesto, pa privar que sigan aumentando y, en segundo puesto, pa que se veigan reducius pa amillorar a calidat de l’augua”.

O diputau d’IU advierte que, a os efectos notables d’a contaminación en relación a la perda de biodiversidat, “se suma una nueva menaza”. Seguntes ha trascendiu, o Departamento de Medio Ambient d’o Gubierno d’Aragón ha ninviau una carta a o Concello de Sarinyena pa informar-le d’o tramite pa reducir o espacio destinau a la ZEPA que rodea a superficie d’a laguna, “o que sin dubda puede ocasionar una menaza a un d’os humedals mas emblematicos d’Aragón y sin dubda d’os Monegros”, explica Rusto.

Por ixo, Izquierda Unida exiche a o Gubierno aragonés, en un segundo punto d’a suya iniciativa, que ature qualsiquier proceso tendent a la reducción d’a ZEPA Laguna de Sarinyena y Balsa d’a Estación, “quanto menos dica que sía confeccionau o referent a o punto primer y se sepan as midas a adoptar pa la millora d’a laguna”, concluye Rusto.

Fuent: http://arainfo.org/2014/11/piden-al-gobierno-de-aragon-un-plan-para-proteger-la-laguna-de-sarinyena/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.