‘Pirineos Sur’ presenta a XXI edición d’o festival

'O festival se mira ent'o sur en o sentiu más amplo', dicen os organizadors

cartel2012Sallent de Galligo y Lanuza, en a Val de Tena, tornarán a acullir, entre o 13 y o 28 de chulio, o Festival Pirineos Sur. Ista será a XXI edición d’una festival que achunta a beluns d’os millors artistas mosicals d’estilos bien diferents.

O festival se presentó ahiere en Uesca y Zaragoza, prencipiando una ‘chira’ de presentación que continará por Madrid, Barcelona, País Vasco, Tolosa (Occitania) y Casablanca. Os organizadors han habiu de adaptar-se t’a crisi economica, enamplando as actividatz de baldes ta poder continar fendo un ‘festival accesible y ubierto ta toda mena de publicos. En cifras, Pirineos Sur ufrirá a posibilidat de gronxiar-se con 40 artistas, 15 de ells aragoneses, a traviés de 6 conciertos en Lanuza y 10 en Sallent de Gállego, 6 tallers y 18 actividatz t’o publico familiar.

O primer cabo de semana prencipiará con dos d’os platos fuertes. Juan Perro, qui ganó ista anyada o Premio Nacional d’a Mosica, ferá a debantadera, acompanyau de Terrakota. A l’atro’l diya Julieta Venegas y Bomba Estéreo amostrarán a suya mosica en o mesmo scenario de Lanuza.

Arrienda artistas de tot lo mundo implen a resta d’o cartel: La fábrica de rimas, Ethiocolor, Garotas Suecas, Javier Ruibal, Emir Kusturica & the no smoking orchestra, Kamel el Harrachi, Amadou & Mariam, Mohamed Barry Astillero, Juju. Justin Adam & Juldeh Camara, Batida, Nortec Collective Presenta Clorofila, Bebe, Souad Massi y Muchachito Bombo Infierno, qui meterá a fin t’o festival.

Tamién os artistas aragoneses i tienen o suyo cantonet. Antimás de Juan Perro, Aragoniam actuará o 16, Tutero o 18, y Manuel Santiago, acompanyau por os marroquins Alquibla o 28.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.