Plan de quaranta anyadas ta desmantelar Fukushima

A interpresa TEPCO y o gubierno de Chapón creyen que se tardará 40 anyadas en rematar as fainas

Manifestación antinucleyar en Alemaya (Foto: Cephir)

Manifestación antinucleyar en Alemaya (Foto: Cephir)

A cadena NHK ha feito publicos hue os plans d’o gubierno de Chapón y a interpresa electrica TEPCO ta desmantelar a central nucleyar de Fukushima, scenario d’a mas gran esferra nucleyar dende a de Chernobil. Seguntes istas informacions se podría tardar dica quaranta anyadas en rematar os treballos ta tornar a fer segura a redolada.

En dos anyadas se prencipiará a quitar o material nucleyar d’os reactors 1 a 4. O combustible fundiu d’os reactors 1,2  y 3, se podrá retirar en bellas 25 anyadas y ta desmantelar as unidatz en caldrían atras 15. Ye muito posible que os treballadors que lo faigan haigan de fer-lo en condicions de prou radiactividat, asinas que se preveye l’emplego de robots ta seguntes qué fainas.

O viernes, o gubierno chaponés podría declarar o estau de “aturada freda” que significa que as unidatz son estables y por debaixo d’os 100 graus centrigados de temperatura. En ixe inte prencipiarían os treballos de descontaminación arredol d’a central, a on que, antis d’a crisi viviban bellas 80.000 personas.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.