Plega la plevia

Eduardo Lolumo

Si en l’anterior entrega charrabanos de mazadas astronomicas quala validez ye tant exacta como a sciencia que tractan, l’astronomía, hue mos n’imos a l’atro cabo, a ixos ditos que relacionan fauna y tiempo, y que a suya base scientifica ye dificilment contrimostrable.

Por un costau a mas gran parti de nusatros ha perdiu o contacto con istes animals, domesticos u no, y observar o suyo comportamiento ye dificil, mesmo en o mundo rural, y por unatro costau siguir as suyas actitutz habría d’estar tant exhaustivo y cudiau que ye imposible d’implementar en os parametros basicos de qualsiquier estudeo scientifico.

Por ixo a interpretación d’iste tipo de mazadas se alazeta, sobre tot en a suposición, quan no que en a superstición.
Ta ista triga hemos parau bells  quantos pero totz fan referencia a comportamientos que anuncian plevia, a tant deseyada plevia istos días en Aragón que por fin  torna a regar-nos.

Si os gallos lloran, as boiras ploran

Ye dicir que si os gallos no contrimuestran o suyo goyo cantando, as boiras trayerán plevia.

Mas de gallinacias, pero en ista ocasión o movimiento ye la clau:

Si se revuelcan as gallinas, ya tiens l’augua dencima

Dificil será trobar-se con una torda, (que no un tordo) pero astí va unatro d’aus

Si chilan as tordas, augua hasta as corvas

Talment sía mas probable ascuitar a canta d’un cuervo:

Si canta o cuervo, augua pa’l cuerpo

Una mayor presencia d’arainas ye relacionada con un aumento d’a humidat y por tanto con a probabilidat que pleva. Isto podría estar a causa d’o caracter higroscopico d’a seda que en cheneran, que detecta luego a  humidat, obligando a l’araina a abandonar a suya fayena teixidora ya que segurament a plevia malmeteria o suyo triballo.

Como veigas garrilargas ya pues pillar o batiauguas

Tamién un cambeo de presión a la baixa indica que s’amana una borrasca y por lo visto istos cambeos son recibius por muitos animals (y muitas presonas) pero especialment por as serpients, animando-las a salir d’o suyo forau y buscar parella ta copular

Si ves culebra por camino o senda, agua espera

Pero ista capacidat d’abanzar o tiempo tamién se l’atribuye a las mascotas de casa, mas facils d’observar, ixo sí. Pero tamién he de dicir que encara que a mía canya Vilma m’alcompanyó 16 anyos, nunca predició brenca encara que escanyutaba a os truens, pero nomás que dimpués de sentir-los.

Si o perro canta pleve a manta

Os mixins y as moscas no se libran d’a suya capacidat predictiva

Si pican mucho las moscas,  y se atusan los bigotes los gatos, l’agua caerá a capazos

En fin, que vista a plevia que ya tenemos dencima, o tramenar que deben levar buena ripa de bichos ista nueit be d’estar considerable.

Y ta rematar, istas dos versions d’una mesma mazada queconrimuestra o scepticismo y a socarronería, muit propia d’aquí,  respective a este tema.

Fornigas en ringlera, u pleve, u fa sol u fa sequera

Fornigas en ringlera u temporal u sequera

Y como siempre, ya sabetz que qualsiquier aportación ta iste tema será bien recibida.

Una rispuesta a Plega la plevia

  1. a oliva en o soto

    En o mío lugar (Morata de Jalón) replegué fa anyos una d’ixas mazadas scepticas y somardas sobre os refrans y l’orache: “Si se moja la oliva en el soto/ llueve, truena o hace un tiempo u otro”. 😀
    En hai atro que tiene que veyer un poquet con l’orache, pero no ye predictivo: “cuando la puerca lavaba, o llovía o nevaba”.
    Son refrans de quan encara nos pleveba, y mesmo nos nevaba, pa o gasto…

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.