PNV, EH Bildu, Geroa Bai, ELA y LAB convocan manifestación en Bilbau por a paz y os dreitos humanos

Dimpués de viedar o chuez Velasco a marcha de Tantaz Tanta en favor d'os presos vascos y a paz, partius politicos y sindicatos vascos empentan una nueva manifestación

mani bilbau u11As formacions politicas que forman EH Bildu, PNV, Geroa Bai, asinas como os sindicatos vascos ELA y LAB han convocau una manifestación maitín sabado en Bilbau pa demandar o cumplimiento d’os dreitos humanos, paz y a resolución d’o conflicto vasco, dimpués d’estar viedada a manifestación que maitín iba a recorrer as carreras de Bilbau en favor d’os dreitos d’os presos vascos, demandando a fin d’a dispersión y a solución a o conflicto, convocada por a plataforma Tantaz Tanta.

A manifestación saldrá a las 18 h. de La Casilla con o lema “Giza eskubideak. Bakea. Konponbidea (Dreitos humanos. Paz. Resolución.)“. Andoni Ortuzar, president d’o PNV, Hasier Arraiz, president de Sortu, os secretaires chenerals d’os sindicatos vascos ELA y LAB, Txiki Muñoz y Ainhoa Etxaide; Rebeka Ubera (Aralar), Amaia Agirresarobe (Alternatiba) y Alberto Unamunzaga (EA), han compareixiu ista tarde pa explanicar ista movilización, que será silenciosa.

En una nota, tanto o representant d’o PNV como o representant de Sortu, han declarau que “en Euskal Herria se son dando trangos por a paz y a resolución frent a la conculcación de dreitos humanos y debant de midas excepcionals negativas. Qui somos aquí amostramos a nuestra disposición a consolidar o nuevo scenario, como somos fendo en o diya de hue. Clamamos a la ciudadanía a fer parte en a manifestación y a treballar de conchunta pa aconseguir os obchectivos d’o lema”.

O chuez de l’Audiencia Nacional espanyola Eloy Velasco emitió de tardes a resolución que viedaba a marcha de Tantaz Tanta en considerar que dezaga d’ista plataforma ye Herrira, que tien as suyas actividatz suspendidas por o mesmo chuez dende setiembre, dimpués de detener a 18 personas en una operación policial en diferents puntos d’o País Vasco. O chuez consideraba que “a movilización ye ilicita, no tanto por a suya finalidat, aparentment inocua, sino por estar parte d’a estratechia d’una organización con as actividatz suspendidas por estar indiciariament, una organización terrorista“.

Mientres a tarde, Tantaz Tanta desconvocaba totz os actos de maitín considerando que s’heban cumpliu os obchectivos d’a campanya.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.