Podemos convoca a os ciudadans de Zaragoza a una trobada ubierta

A trobada será en a Plaza d'o Pilar, remerando l'acampada d'o 15M de fa tres anyadas

Rueda de prensa de Podemos

Rueda de prensa de Podemos

O Rolde Podemos de Zaragoza ha convocau una trobada ubierta ta totz os ciudadans, que se ferá iste mierques, a partir d’as 19:00 en a Plaza d’o Pilar. En ista trobada será present l’aragonés Pablo Echenique-Robba, qui estió esleixiu diputau d’o Parlamento Europeu en as eleccions d’o pasau dominche por a candidatura de Podemos.

Podemos preba de “prencipiar ista nueva etapa d’o suyo camín con o mesmo metodo que han feito servir dica agora, ye decir, fendo que a chent siga protagonista d’as suyas decisions”. En a trobada, Echenique y as personas que dica agora han militau en o Rolde zaragozano de Podemos charrarán sobre “o camín recorriu y, sobre tot, ascuitarán as voces d’os ciudadans como primer trango ta decidir por do continar”, explican.

O puesto trigau ta ista trobada ye “prou cargau de simbolismo“. A plaza d’o Pilar acullió fa tres anyadas una acampada, la d’o 15M, que marcó “o prencipio d’un tiempo a on que a mayoría social d’iste país ye cambiando miedo y aconorte por carranye y valor ta que nos deixen de furtar”.

Fuent: http://arainfo.org/2014/05/podemos-convoca-la-ciudadania-de-zaragoza-un-encuentro-abierto/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.