Por primer vegada, un artefacto espacial aterriza en un cometa

Philae, que iba dentro d'a nau Rosetta ha aterrizau hue en o cometa 67P/Churyumov-Gerasimenko

Cometa 67P/Churiumov-Guerasimenko. Foto: ESA

Cometa 67P/Churiumov-Guerasimenko. Foto: ESA

Philae, un modulo d’investigación dentro d’a nau Rosetta, de l’Achencia Espacial Europea (ESA), ha aterrizau en o cometa 67P/Churyumov-Gerasimenko a 500 millons de kilometros d’a Tierra. L’artefacto tien como misión investigar a superficie d’o cometa con dica diez instrumentos diferents.

Diez anyos ha durau o viache de Philae en o interior d’a nau Rosetta. Rosetta ha arribau a la orbita d’o cometa y dimpués Philae s’ha deixau cayer t’a superficie, una cayida que ha durau siet horas, y ha desplegau as patas pa posar-se-ie. Atamás d’o mal funcionamiento d’os propulsors que aduyaban a posar-se en a superficie a Philae, ha operación s’ha realizau con exito, pues existiba atros sistemas de suchección.

A misión d’o robot será fer fotos d’a superficie d’o cometa y realizar midas y analises sobre a composición d’o cometa, pa investigar sobre os materials organicos que existiban en l’orichen de l’universo, a formación d’o sistema solar y d’a vida en a Tierra. Rosetta s’encargará de ninviar os datos t’a Tierra pa lo suyo estudeo.

A misión de Philae y Rosetta durará dica o cabo de 2015 u inicio de 2016.

Una rispuesta a Por primer vegada, un artefacto espacial aterriza en un cometa

  1. Pingback: Por primer vegada, un artefacto espacial aterriza en un cometa | AraInfo | Achencia de Noticias d'Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.