Portugal retalla o chornal de totz os treballadors ta achustar o deficit

O primer ministro luso ha anunciau en as zagueras horas nuevas midas d'austeridat, muit criticadas por a oposición y por os propios ciudadanos

Portugal ha consiguiu por primer vegada en a suya historia un 15% de desemplego. Ni as midas adoptadas dica agora (retalles u reformas) ni o rescate europeu han saneyau a situación d’as finanzas portuguesas ni a sangría d’esqueferaus. Por ixo, o cabo de semana pasau o primer ministro luso abanzó una mida drastica, que en Espanya ya estió adoptada o pasau mes de chinero: a puyada d’as cotizacions a la Seguridat Social de totz os treballadors en 2013.

Dica agora os portugueses desconoixeban en quántos euros s’iba a materializar ixe anuncio que heba feito publico o Gubierno conservador de Passos Coelho, pero dende fa unas horas saben que os mileuristas deixarán d’estar-ne ta cobrar tasament bell poquet mas de 937 euros. Ixe ye o chornal que le quedará a un portugués que ingrese 1.000 euros mensuals.

O mayor refuse l’ha provocau a decisión de baixar a cotización d’as interpresas d’o 23,75% a o 18% mientres que a d’os treballadors puyará d’o 11% a o 18%. Ni as parolas de ‘tu a tu’ d’o primer ministro, que se sitúa a o ran d’a resta d’os convecins portugueses ni o luengache dica cierto punto sincero y plano de Passos Coelho ha aplacau os animos d’o pueblo luso. O tono conciliador de Passos Coelho no ha calmau a os mas de 17.000 portugueses que han criticau sin vehemencia a o Gubierno conservador por adoptar istas midas. Beluns han aprofitau a ocasión ta exposar-les una cruda situación personal.

T’os ciudadans lusos a puyada de l’IVA, os retalles en educación y sanidat (a la espanyola) y iste nuevo anuncio suposan un trango mas en o fundimiento d’a economía. No son vistos como “sacrificios que darán os suyos fruitos”, frase d’o discurso d’o primer ministro a os portugueses en Facebook.

Fuent: http://www.aragon2.com/n-20178-502-Portugal_recorta_salario_todos_trabajadores_para_ajustar_deficit

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.