Posets Maladeta será parque nacional y os Puertos de Bezeit, parque natural

Modesto Lobón, conseller de meyo ambient, ha afirmau que o proceso no será curto

Aneto (Foto: David Domingo)

Aneto (Foto: David Domingo)

O conseller de Meyo ambient, Modesto Lobón, ha informau hue en o consello de gubierno que han prencipiau o proceso ta o cambeo de Posets-Maladeta de Parque Natural ta Parque Nacional, asinas como a declaración de Parque Natural d’os Puertos de Bezeit. Lobón ha afirmau que son fendo istos triballos previos ta poder levar os prochectos ta o Parlament que ha d’estar qui reclame a o gubierno espanyol a declaración de Parque Nacional ta Posets-Maladeta, mientres que o Parque Natural d’as sarras de Bezeit ha d’estar declarau por l’executivo aragonés.

Lobón ha amostrau a suya voluntat d’encetar o proceso “establindo un dialogo participativo con totz os intresaus y afectaus” y ha asegurau que o Gubierno ye “ubierto a alternativas”, si bien ha comentau que ya s’han tastau bellas opinions y istas propuestas “no son brenca descabelladas”. Con a propuesta d’o gubierno Aragón contaría con dos Parques Nacionals (totz dos en os Pireneus), mientres que o Parque Natural d’os Puertos de Bezeit sería o primer d’a provincia de Teruel.
O conseller tamién ha presentau hue a lei de modificación d’espacios naturals protechius, que seguntes Lobón, premitirá sacar tramites administrativos, y con un plazo maximo t’aprebar os PORN de dos anyos, en que caducará la petición si no s’han aprebau.

6 Rispuestas a Posets Maladeta será parque nacional y os Puertos de Bezeit, parque natural

  1. Y els vecinos… qué dicen d’aixó?? alguno les n’ha preguntau??

  2. I els vesins, que disen d’aso? Alguno les ny’ha preguntau(traducsion al patues)

  3. es vecinos d´es chizardos,marmotas y aligas seguro son d´acuerdo…

  4. El que estará contento es el político de turno que se sacará más pasta por ser presidente de parque nacional en lugar de parque natural. Mientras tanto, en los municipios afectados no verán ningún beneficio a cambio. Y pensar que hablamos de una zona donde se podría conservar una cultura y paisaje de hace décadas con muy poco esfuerzo y promoviendo que la gente de aquellos pueblos no tengan que irse fuera a trabajar…

  5. a verdat ye que caldría saber qué diferencia d’uso bi ha entre un parque natural y uno nacional. Y dimpués, ya preguntaremos a os vecinos. Tamién podemos ufrir-les atra modalidat de protección, no menos atractiva: un resort de deportes d’hibierno, y preguntar-les, de as tres modalidatz, quál se’n estiman más.. Y de vez, dixamos en as suyas mans (en as d’aquells que sían ganaders, concretament) a conservación de l’onso, y asinas, habremos empentau a democracia enta la suya más alta exprisión. U por o xerbicadero.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.