Postureo LAPAO, riau riau!

Natxo Sorolla

NatxoDengún con prou capacidat d’abstracción piensa que bi ha una muga lingüistica entre lo que charramos los d’o Matarranya / Mesquí, y lo que charran los de la Terra Alta u Els Ports. Os fablants no cambian de luenga en pasar a muga. Pero bi ha cierto sector encerrinau en pensar que o diaple catalán saqueyará as nuestras tierras. Como si o nuestro futuro se decidise diya par d’atro en Tortosa, Tarragona u Barcelona, y as leis de Zaragoza y Madrit estasen ilusions opticas. Pero nian ixe sector creye que no charremos catalán. Igual como diría un adolescent, tot ixo ye postureo. Y postureo ye una nueva parola d’Internet que mete nombre a una viella tradición: comportar-se más por imachen y apariencia que por una motivación real.

A nuestra Consellera (PP) ha encapezau os sectors politicos a los que les fa tanto miedo a realidat catalanoparlant. Y ixo ha rematau en que a sola traza de remerar a Luenga Aragonesa Propia de l’Aria Oriental d’a Comunidat Autonoma ye decir-le LAPAO. Dimpués Serrat se trobó isolada encapezando iste bunker boinarosca y afirmó debant d’os meyos que “en Aragón no se charra ‘lapao’ sino catalán, yo tamién charro catalán”. Tanta vuelta ta plegar en o mesmo bancal?

Un atro caso más amanau ye o de María Herrero (PAR). Esfensaba que “a noticia ha molestau prou a beluns d’os nuestros vecins porque no clamamos catalán a lo que ells queresen que’n estase”. Pero os feitos son que Herrero realment no creye en ista deleria segregacionista. Tos explicaré una anecdota. En puenda electoral participaba en os mitins locals que se fan en o Matarranya, a on que os representants locals s’endrezan ta l’auditorio en a luenga d’o pueblo. María Herrero s’amanaba a los electors decindo que lo entiende, porque estudió en Leida. Y a pregunta ye: si realment creyese que charramos aragonés, no viyería a contradicción de relacionar o catalán de Leida con a nuestra luenga? A la finitiva, son postureos lingüisticos ta emercher electoralment l’anticatalanismo. A pena ye que entre postureo y postureo nos chugamos a diversidat lingüistica.

 

Fuent: http://vilesigents.blogsome.com/2013/05/30/postureo-lapao-riau-riau/

2 Rispuestas a Postureo LAPAO, riau riau!

  1. yo no tiengo miedo d os pperos pero pareixe que os catalans femos miedo a os pperos .pa pperos un
    pareixe que as cadenas que nos han meso as suyas antepasados .
    (ppsoeros) a la nuestra cultura les fa miedo com a d’as pantasmas .
    escribo en sicologia pepera estilo conto de ninos a veyer si espanto algun ppero i psoero : .
    HUUUUUUUUU SOI UN FANATASMA CATALAN NO SIENTES O RUIDO D’AS MIAS CADENAS QUE SE LIBERAN .
    POR MAS LEIS QUE PONGAIS AS PANTASMAS TRAVESAMOS AS PARETS D ESAS LEIS A LES 12 D L NUEIT MIENTRES DORMIS HUUUUUU
    VUESTRA inquiSICION DEL 78 ES HISTORIA YE ENTERRADA EN CATALUNYA .

  2. conxi cabello solanas

    No creigo que a luenga que charramos en os lugars colindantes d’aragón y cataluña haiga d’estar un motivo de separació y no d’unión entre vecins, o tema de cambiar los nombres…….Lapao, lapollés etc…….no cambea brenca, solament ridiculiza a o gubierno d’aragon, nusatros hemos d’estar mas listos que ells y pasar d’istas disputas.
    Yo vivo en un lugar de Lleida a uns 15 menutos de Fraga y alli i hai muita chent que dicen y charran catalán, en Mequinenza o pleno d’o concello aprobo por mayoria que a luenga que charran ye o catalan.
    Pero t’o mío ixo no ye lo important, la qual cosa mas quiero y queremos as chents d’istas tierras ye vivir como l’haciamos dica agora, cordialment y con una armonia natural.
    Por cierto tos escribo en aragonés y no en catalán ta que veais o muito respecto que tiengo yo por todas dos luengas y ta contrimostrar que os enemigos no estan en cataluña sino en españa, os vuestros y os nuestros.
    Salut

Responder a conxi cabello solanas Cancelar respuesta

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.