Prau presenta un nuevo video mosical

O video se presentó t'os asistents t'o concierto que facioron con Maut o pasau 15 de marzo

Prau en o concierto d'o pasau 15 de marzo

Prau en o concierto d’o pasau 15 de marzo

“Paretz crebadas” ye o tema que ha trigau Prau ta gravar o videoclip mosical que hue se ha feito publico en o rete. A canta perteneix a lo suyo cinqueno disco “Os pietz en a tierra”, editau por Magofermín en 2012. A colla ye vivindo un sobrebuen inte, dimpués d’haber ganau un d’os premios d’a mosica aragonesa por a suya canta “Os pietz en a tierra” que da nombre a o disco.

O video estió presentau t’os asistents t’o concierto que facioron en a Sala López de Zaragoza, en a fiesta organizada por Comunica N’Roll, a on que tamién se podió sentir a mosica de Maut y una sesión de DJ Valle-Nato. Agora s’ha puyau t’o rete ta que toda la resta de fans puedan viyer-lo. O video estió rodau a la fin de 2012 entre Pozuel (Comarca de Xiloca) y Zaragoza y ye o primer videoclip tanto d’a banda como de Comunica N’Roll y Oshito Audiovisual, os suyos realizadors.

Prau ha quiesto agradeixer l’aduya de toda la chent que apareix en o video, en especial os habitadors de Pozuel y María Jesús Romero de Urbiztondo, con un papel alazetal en o video. Tamién le’n agradeixen a Mallacán por deixar-les o local y a “toda la resta de chent que d’una traza u atra son estaus vitals en o proceso de gravación”.

 

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.