Preban de censurar Kaosenlared.net por os suyos articlos sobre Israel

Nodo 50 ha moviu os suyos servidors d'Alemanya ta guaranciar a continidat de Kaosenlared.net. A partir d'as 11 será bloqueyada por o proveyedor alemán Hetzner.

Logo de Kaosenlared.net

Logo de Kaosenlared.net

A pachina web de contrainformación Kaosenlared.net, ye sufrindo una prebatina de censura de man d’o suyo proveyedor alemán Hetzner, qui han demandau a o colectivo que sacase bells articlos relacionaus con l’estau d’Israel. A denuncia d’o proveyedor pareix estar presentada por l’Association of Friends of Israel in Catalunya, seguntes informa Vilaweb, encara que a suya web te reinvia ta una atra d’o gubierno d’Israel.Kaosenlared ha decidiu no sacar os articlos d’a web, por lo que, seguntes a interpresa Hetzner, a web será bloqueyada dende hue a las 11 en os suyos servidors.

Manimenos, dende Nodo50, una atra web de contrainformación s’ha conseguiu que ista situación no plegue a conseguir que se censuren os contenius de Kaosenlared, movendo una copia d’o servidor d’agora de Kaosenlared ta un atro proveyedor de Suecia dende a on que ope

rarán agora.

Seguntes l’equipo de Kaosenlared, qui agradeixen “o treballo  d’os companyers y companyeras de Nodo50″, ” as exichencias d’esborrar ixas noticias de fa tanto tiempo (anyada 2009 quasi todas ellas), nos fa pensar que ista criminalización ye una más d’as que venimos sufrindo en istas zaguers anyadas“. Tamién creyen que “ista acción ye parti d’una campanya que va dillá, una campanya que a suya finalidat ye a criminalización d’os movimientos socials, a qui os meyos de información alternativa le dan a voz y l’espacio que le ye negau por norma en os meyos de comunicación controlaus por os amos d’o mundo: o capital y a burguesía”, como declaran en o comunicau que han publicau en a suya web. A ran legal, dende a web afirman que a suya censura ye una vulneración de tot d’a lechislación espanyola cuanto a la libertat d’expresión.

Kaosenlared ye a primer web de contrainformación de l’Estau espanyol con quasi 1.800.000 visitas mensuals (datos d’o mes d’octobre), por lo que bellas 60.000 personas leyen cada diya os suyos articlos. y seguimientos de manifestacions, concentracions y eventos anticapitalistas en l’Estau espanyol y America Latina.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.