Prencipia a campanya de vacunación contra a gripe

Ta vacunar-se, se puet demandar hora on line u en o centro de salut.

Presentación d'a campanya contra a gripe. (Foto: Gobierno d'Aragón)Dende o 17 d’octobre ye posible vacunar-se contra a gripe en Aragón. A campanya prencipiará hue a meter-se en os centros de salut. Qui quiera fer-lo habrá de dentrar en a web de Salud Informa u clamar a o numer 902 555 321.

Bellas personas d’as collas de risque habrán recibiu mientres ista semana pasada una carta decindo-les a hora y puesto que les pertoca ta vacunar-se. En istas collas de risque, i son os mayors de 65 anyadas y bellas personas con malotías que les faigan mas sensibles t’a gripe u que ista sía más periglosa ta ellas. Tamién i son os treballadors de bellas dembas como a sanidat u los cuerpos de seguridat.

En ista campanya a D.Ch.A. ha participau, chunto con os gobiernos d’atras siet comunidatz autonomas, d’una compra coordinada por o Ministerio de Sanidat, Politica Social y Igualdat d’Espanya. Asinas, s’ha cabidau mas de 300.00 euros, seguntes o Executivo aragonés. Un total de 251.500 dosis pertocan a Aragón.

 

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.