Prencipia a campanya electoral en Aragón ta las eleccions espanyolas

Nomás que siet formacions se presentan por as tres circunscripcions en que se trestalla o país ta istas eleccions espanyolas

Dende agora en 15 diyas, os mensaches electorals d’os candidatos a ocupar un puesto en o Congreso y Senau espanyols emplirán a vida politica, como levan fendo dende a convocatoria d’eleccions, pero agora con o “vota” explicitament. A campanya, que s’estableixe por circunscripcions, con candidatos ta cadaguna d’ellas, chira tamién en torno a qui estará o venient president d’o gubierno espanyol, con un candidato a qui todas as enquestas dan por ganador, Mariano Rajoy, y unatro que preba de retallar as esferencias, Alfredo Pérez Rubalcaba.

O 20-N se trigarán os ocupants d’os posientos d’as dos Camaras d’as Cortz espanyolas en función d’o reparto d’escanyos. En l’horizont, a crisi economica, l’ature, a configuración de l’estau y o final d’ETA como puntos alazetals d’a politica espanyola. En o panorama nacional, as infraestructuras u la chestión de l’augua como puntos clau.

Os datos prencipals d’as eleccions se pueden trobar en a web d’o ministerio espanyol d’Interior. Tamién se pueden consultar as candidaturas que concurren en o país ta las eleccions espanyolas. Tres son as candidaturas que tienen a saber las oportunidatz de dentrar con escanyo.

Por un costau, a coalición de dreitas PPPAR. Por l’atro, o PSOE d’Aragón. Entre as dos tienen posibilidatz de quitar a mayor parti d’os escanyos. A tercena candidatura en discordia ye “La izquierda de Aragón“, a candidatura conchunta de CHA y IU.

Con presencia en as tres circunscripcions se troban tamién UPyD, UCE, PACMA y PUM-J. En dos circunscripcions se presentan Escons en Blanc (Zaragoza y Teruel), PCPE (Zaragoza y Uesca) y o Partido Pirata (Uesca y Teruel). En nomás que una circunscripción, por Zaragoza, se presentan P-Lib, PH y DeC. Por Uesca, Equo y por Teruel, Socialistas por Teruel.

Formacions independentistas, como Puyalón, fan una crida a o voto nulo u l’abstencion activa, mientres que atras formacions como Estau Aragonés y Tierra Aragonesa no aconsiguioron as sinyayuras que s’amenistaban por l’endurecimiento d’a lei electoral, y encara no han feito publica a suya posición en as eleccions espanyolas.

Arredol en campanya

Mientres que istos diyas de campanya, Arredol ira siguindo os feitos mas destacaus d’a mesma en a sección Eleccions espanyolas 2011.

5 Rispuestas a Prencipia a campanya electoral en Aragón ta las eleccions espanyolas

  1. A candidatora de “Demos el cambio” creigo que no estió acceptada a la fin por a chunta electoral. Amaneixeba entre as candidaturas presentadas, pero no pas entre as proclamadas.

  2. Rectifico, días dimpués s’acceptó a candidatura de Demos el cambio y a d’o PCPE y fueron todas dos proclamadas: http://elecciones.mir.es/generales2011/almacen/documentos/BOE-1-11-11-JE%20Zaragoza.pdf

    • Pues mucho van a dar el cambio con el candidato al senado que llevan. Un tipo que ha hundido un partido, que no ha presentado cuentas despues de que la militancia se las haya pedido por activa y por pasiva, que prometio hace meses una auditoria y nada de nada, que paga sus impuestos en el extranjero, etc.
      Así que vaya cambio, el de quitate tú que me pongo yo
      Yo desde luego como dice el refran:”que te compre quien no te conozca”

  3. Fote! Hetz dentrato n’a pachina d’UCE?, bi’n ha una fuella només. Vaiga estreta! Pareixen zamuecas venitas de meyau sieglo XX.Ta ixos no lis voto ni sisquiá quedasen ixos y o PPSOE només.

  4. El candidato al senado por DEMOS el cambio, recogió firmas para ese partido y para la coalición TA-EA, como con los segundos no consiguió los avales, se presenta con los primeros. Estuvo jugando con dos barajas el muy jeta. Eso es creer en un proyecto, y respetar a la gente de tu partido, si señor. Solo le interesa su proyección personal. La que pueda tener claro, porque en asociación que esta, asociación que se va a la mierda.

Responder a presona Cancelar respuesta

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.