Prencipia a preinscripción t’o Diploma d’Especialización en Filolochía Aragonesa de Uesca

Ista será a tercer anyada que s'impartirá iste postgrau, unico titol universitario sobre a luenga aragonesa

facultat uesca

Hue prencipia o periodo de preinsicripción t’a una nueva edición d’o Diploma d’Especialización en Filolochía Aragonesa que s’impartirá en a Facultat de Sciencias Humanas y d’a Educación en o campus de Uesca d’a Universidat de Zaragoza, y que durará dica o 8 de chulio en a suya primer fase. I hai un minimo de 10 plazas y un maximo de 40.

Iste postgrau ye dirichiu a toda mena de licenciaus, diplomaus y graduaus universitarios, pero fundamentalment enfocau ta mayestros y mayestras d’infantil y primaria, pues o suyo obchectivo prencipal ye formar a profesors de luenga aragonesa en centros no universitarios (dende Infantil dica Bachillerato, contando tamién con a Educación d’Adultos). Se i dará una formación filolochica y lingüistica cheneral d’a luenga aragonesa.

O postgrau cuenta en o suyo profesorau con Francho Nagore (director d’o Diploma), Mª Pilar Benítez, Antonio Eito, Chusé Inazio Navarro, Paz Ríos Nasarre, José Ángel Sánchez Ibáñez, Fco. Javier Simón Casas y Jesús Vázquez; y cuenta con a colaboración d’o Consello d’a Fabla Aragonesa, a Delegación Provincial d’Educación de Uesca, a Diputación Provincial de Uesca y l’Instituto d’Estudios Altoaragoneses.

O Diploma consta de diez asignaturas (cinco por quatrimestre) entre as qualas i hai un “Practicum“. As clases se desembolicarán entre ocubre de 2013 y mayo de 2014, fueras d’o Practicum que se ferá entre mayo y chunio de 2014.

Ta mas información: http://magister.unizar.es/fchehuesca/aa/aaeeppdefa.htm

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.