Prencipia a segunda fase d’o plan d’aduya alimentaria en Teruel

S'espardirán más de 52 toneladas de virolla en Teruel y provincia

Una treballadera organiza a virolla (Foto: Ministerio d'Agricultura)

Una treballadera organiza a virolla (Foto: Ministerio d’Agricultura)

O Ministerio d’Agricultura, Alimentación y Meyo ambient, a traviés  d’o Fundo Espanyol de Guarancia Alimentaria (FEGA) ha encetau a segunda fase d’o plan d’aduya alimentaria a las personas que más les cale. A traviés d’o Banco de Virolla y Cruz Roya se son espardindo más de 52.000 kilos de virolla en a provincia de Teruel.

Mientres o mes de noviembres se ye distribuyindo a virolla que as entidatz acullidas a lo Plan espardirán en istos diyas a las personas que más les calga. A virolla replegada ye de caracter basico, no perecedera y de buen transportar y almagacenar. En Teruel s’han espardiu en ista segunda fase 5.298,64 kilos de virolla a o Banco de Virolla y Cruz Roya, qui de vez, lo distribuyen entre as entidatz beneficas d’a provincia ta que, pleguen t’a chent.

Entre a virolla conseguida bi ha leit entera UHT, galletas, macarrons, roz, legumbres, aceite d’oliva, tomate frito, conservcas de pescau, fruita y verdura en conserva, sucos, leit ta ninos, cerials y “potitos” infantils-

En a primer fase d’o plan se distribuyoron más de 13 toneladas en o mes de chunio. Ye prevista una tercer fase ta chinero que, de conchunta con as dos anteriors completará as más de 67 tonelada de virolla que quier espardir o plan d’Aduya Alimentaria.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.