Prencipia a vada de profesors

Protestas en tot l'estau por as retalladas en totz os rans de Educación

Os profesors de diez Comunidatz autonomas protestan iste martes 20 de setiembre contra as retalladas en Educación. Os docents aragoneses tamién serán presents en as protestas que se ferán en Zaragoza, Uesca y Teruel. Antimás, en bells centros publicos tamién son previstas movilizacions a la hora d’o recreo.

Profesors de tot Aragón se sumarán hue a las manifestacions d’o sector ta protestar por as retalladas en bellas comunidatz autonomas. As manifestacions que bi habrá en quasi todas as provincias de l’estau, podrían estar refirmadas por muitos profesionals. Lo ferán baixo lemas como “A eduación o ye malfurriar, ye invertir” u “Por una educación publica de calidat” y con o mismo mensache, evitar as retalladas educativas que diferents gubiernos, más que más d’o PP han feito en Madrid, Andalucía, Aragón, Baleares, Cantabria, Castiella – La Mancha, Castiella y Lión, País Vasco, Extremadura, Galicia, Murcia y a ciudat autonoma de Melilla.

Cuanto a Aragón, os docents se concentrarán a las 18.00 en a Plaza Espanya de Zaragoza y a la mesma hora en a plaza Navarra de Uesca. En Teruel a concentración será a las 13.00 en as puertas d’o Servicio Provincial d’Educación.

Pero, sin duda, Madrid será a comunidat autonoma con mayors protestas, con una manifestación, que prencipiará a las 18.30 en a Plaza de Neptuno y plegará dica a Consellería d’educación de Madrid, a la que se sumará a vada de profesors prevista t’os diyas 20,21 y 22 de setiembre. Seguntes han asegurau os sendicatos estatals ANPE, CSI-F. FE-CCOO, FETE-UGT y STES a chornada d’iste martes con as manifestacions en todas as provincias, coincide con a debantadera oficial d’o curso escolar de man d’o Rey Juan Carlos.

Más retalladas.

D’atra man, en Castiella – La Mancha, os sendicatos de profesors van a celebrar varias asambleyas a ran provincial ta informar sobre as retalladas anunciadas por a nueva presidenta d’ista comunidat, María Dolores de Cospedal que, entre atrás midas ha proposau d’enamplar l’horario lectivo d’o profesorau, ha viedau a contratación de personal interino y ha aturau infraestructuras educativas.

D’ista traza, os profesors d’a comunidat autonoma se manifestarán iste martes en Albacete, Ciudat Reyal, Guadalachara y Toledo en contra d’as retalladas d’o Gubierno de Cospedal, ya que os centros docents deixarán d’achustar a mil profesors iste curso. Asinas lo han confirmau los representants d’os cinco sendicatos d’a comunidat -CSI.F, ANPE, UGT, CCOO y STE- que han anunciau antimás que istas movilizacions se ferán en Cuenca o venient chueves diya 22

En o caso de Galicia, a on se ha convocau vada t’o venient miercols 21 de setiembre y o martes 27, destaca que quasi 30.000 docents gallegos protagonizarán iste martes, meya hora de “brazos cayitos” ta protestar por a puyada d’as horas de clase, d’os alumnos por aula y por achiquir o numer de profesors en 1.100 seguntes o calculo de Fete-UGT.

Fuent: http://www.aragon2.com/n-12711-2-Arranca_huelga_profesores

Una rispuesta a Prencipia a vada de profesors

  1. Pingback: Arredol, nou diari digital en aragonès | Jaraba internet

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.