Prencipia a X lechislatura espanyola dende la fin d’a dictadura

Chesús Yuste recupera l'escanyo ta un partiu d'ambito aragonés, encara que en a colla de IU

 Huei han quedau constituyitas as dos cambras de ripresentación d’o Parlamento espanyol, o Congreso y o Senau. En o Congreso, o president será o soriano Jesús Posada, mientres que o Senau estará presidiu por o tamién popular Pío García Escudero. Precisament, García Escudero ha dito que prebará de reformar a cambra mientres a suya presidencia d’a mesma.

Os diputaus y senadors aragoneses tamién han preso posesión d’as suyas actas, huei, con a intinción de “esfender os intreses d’Aragón”, encara que en as zagueras lechislaturas os votos aragoneses han estau siempre marcaus por a disciplina de partiu en ser mayoritarios PP y PSOE.

En ista ocasión l’ex-diputau d’as Cortes d’Aragón Chesús Yuste plega como unico diputau en o Congreso d’un partiu d’ambito aragonés. Yuste s’integrará en a colla de IU, que huei tamién ha feito una protesta por ser excluyida d’a mesa d’o Congreso.

En o Senau, l’alcuerdo PP-PAR fa que 3 senadors d’o PAR tiengan cadiera, son Rosa Santos, José María Fuster y María Jesús Burró.

Amás d’a distribución d’a mesa, pactada entre PP-PSOE y CiU, a posibilidat de que Amaiur u UPyD tiengan colla propia ha marcau la sesión. D’os 7 escanyos que quitó a coalición vasca nomás s’han presentau seis actas. O diputau por Navarra no ha churau o cargo posibilitando que a colla parlamentaria la faigan nomás os diputaus por o País Vasco, encara que a Mesa podria decidir que ye un fraude de lei.

En ista semana se distribuyirán as collas parlamentarias, os triballos d’as comisions y a semana venient será l’acto d’investidura d’o nuevo president d’o gubierno espanyol.

Deja un comentario

Tu dirección de correo electrónico no será publicada. Los campos necesarios están marcados *

Connect with Facebook

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.