Prencipia en Graus o ciclo “Ya puez contá” d’actividatz culturals arredol d’a oralidat y a literatura

Exposicions, seminarios, concurso literarios, conciertos, .... en unas chornadas que implen d'actividatz culturals tot lo mes d'aviento en Graus

CARTELIsta semana prencipia en Graus o ciclo “Ya puez contá“, que dende 2007, imple o mes con actividatz culturals arredol d’a parola, a oralidat y a literatura. Concursos, charradas, tallers, machia, cine, … toda mena d’actividatz se celebran mientres tot o mes.

A primer ye a convocatoria d’o concurso de microcuentos CIENTOCINcuenta. Ta participar-ie cal fer una historia d’un maximo de ciento cincuanta parolas, en castellano u aragonés ribagorzano y ninviar-lo por correu electronico antes d’o 21 d’aviento. As bases completas d’o concurso de pueden consultar en a web de Espacio Pirineos. Cada anyada cal escribir sobre un tema, estando en ista edición o cine y a cinematografía o tema trigau.

O chueves 4 prencipiará o Seminario ta profesionals “Comunicar millor en cultura: recetas prebadas y nuevas ferramientas“, que ye aintro d’o prochecto cultural PATRIM II, an que treballan entidatz de Occitania, Aragón y Catalunya. En o seminario se charrará sobre as ferramientas electronicas, os retes socials y atros temas de comunicación publica endrezau ta os profesionals d’a chestión cultural.

Tamién a tarde d’o chueves, se ferá la devantadera d’a exposición “Cruce de miradas con fotografías de montanya de David Ruiz de Gopegui y textos d’a poetisa Eider Elizegi. A exposición se podrá viyer dica o sabado 3 de chinero en o centro Espacio Abierto.

O viernes prencipiará lo cabo de semana con un cuentacuentos de man de Saúl Moreno, autor d’o cuento ilustrau “L’hombre, l’onset“, qui lo recontará chunto a la resta de cuentos pirinencos en que ye treballando. Dimpués bi habrá reparto de bizcochos con chicolate como ye tradición.

O sabado 6 continarán as actividatz con a zaguer función d’o programa PLATEA en Graus. A versión ta teatro de Pinocho, o clasico de Carlo Collodi, de man d’a companyía Ultramarinos de Lucas. A chornada tendrá tamién a presentación d’o documental Las faldas de la montaña, dirichiu por Belén Ciutad y que presienta testimonios de mullers de Sobrarbe y Ribagorza naixidas d’antes d’a Guerra Civil.

4 Rispuestas a Prencipia en Graus o ciclo “Ya puez contá” d’actividatz culturals arredol d’a oralidat y a literatura

  1. Joaquim Rúbies i Pau

    Em sembla que és molt important pel manteniment de la llengua aragonesa que es continuïn fent aquest actes i reunions.
    Endavant.

  2. Pingback: Remata en Graus o ciclo “Ya puez contá” d’actividatz culturals arredol d’a oralidat y a literatura | AraInfo | Achencia de Noticias d'Aragón

  3. Lluís-Xavier Flores Abat

    La presentación del documental “Las faldas de la montaña” de Belén Ciudad va ser tot un éxito de chent. L’Espacio Pirineos se va fer chiquet. Un documental precioso, en que aparixeban mullers entrevistadas que parlaban en aragonés, como una, que el feba en la parlla de Merli, un aragonés ribagorzano de transición a’l catalán un tanto castellanizau, pero ben similar a’l benasqués. Parabens a l’autora.

  4. Me gusta la buena dirección de la cultura en municipio, siempre he creído que al pueblo se le tiene que informar sobre las costumbres reales de la vida cotidiana.

Responder a Lluís-Xavier Flores Abat Cancelar respuesta

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.