Prencipia en o B.I.C. a iniciativa “parella en aragonés”

Dende ista organización meten en contacto a personas intresadas en practicar l'aragonés charrau

logoDende principios d’o mes de mayo una iniciativa novedosa en Aragón ye mirando de empentar y favorecer as relacions en aragonés dentro d’o rolde social d’o BIC (Bloque independentista de cuchas) y difuera d’ell. A ideya propasada por a colla de luengas de “Puyalón” fa que miembros y personas que yeran intresaus en practicar, esviellar u prener un constumbre de charrar en aragonés se haigan iu apuntando a un listau de chent necesitada d’ista mena de dinamicas. Chent que reciben l’aduya de parladors que charran a ormino y fluyidament a luenga, y que se ufren voluntariament a iste gran esfuerzo.

A dinamica, encara que novedosa en Aragón, ya ye mesa en practica en atros territorios d’o nuestro redol como Euskal Herria, Catalunya u Valencia, siempre menadas por organizacions culturals, politicas u sindicals, que se veyen en a necesidat de que os suyos miembros prengan fluyidetz en una luenga que no pueden practicar en casa suya. Problemas como vergüenya, horarios, manca de rolde social en aragonés u vicios prenius que impiden conversacions en aragonés, son problemas diyarios a os que s’enfrontinan os neoparladors d’aragonés.

Un zarpau d’actividatz, exposicions u charradas son ninviadas de cabo quan por os dinamizadors d’ista iniciativa, pa poder tener temas u enchaquias por as que charrar. Acudir enta las chornadas de Nogará, exposicions en o Centro d’Historia de Zaragoza, charradas en os centros socials u participar en o “Chuepincho” d’o vico d’a Madalena fan parti d’istas proposicions.

Por agora se puede charrar de bellas 10 parellas que dende Mayo prencipiarán a chuntar-se, belunas más que podrían prencipiar de verano, con más tiempo libre, y atrás que se i adhibirán ya en setiembre. Tampoco no se descarta fer-lo en catalán.

A colla de luengas aspera que muita más chent i faiga parti en o futuro, y a socialización en aragonés y/u catalán no siga más un problema pa ells.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.