Prencipia o curso en a universidat aragonesa

Un acto institucional sinyala o prencipio d'o curso 2011-2012, o segundo dende a implantación d'o plan Bolonia

Prencipia o curso en a Universidat publica con 35.000 alunnos

Prencipia o curso en a Universidat publica con 35.000 alumnos

Bells 35.000 alumnos prencipiaban hue as clases d’a Universidat. 6.000 d’ells por primer anyada. Estudiarán un d’os 54 graus, 53 masters u 52 programas de doctorau que ufre a institución.

Iste maitin, s’ha feito l’acto insitutcional con que todas as anyadas prencipia o curso universitario. I han charrau Luisa Fernanda Rudi, presidenta d’o gubierno, y o rector d’a Universidat Manuel López. A lición de debantadera, una clase machistral conoixida como Prima Lectio, la ha impartida José María Serrano, d’a Facultat d’Economía y ha charrau sobre a crisi economica en Espanya y as suyas posibles solucions.

En a suya intervención Rudi ha dito que caleba puyar a financiación universitaria, pero “vinclando-la a los resultaus tanto de l’alumnalla como d’o profesorau”. Tamién ha declarau que ye un obchetivo a meyo plazo fer un nuevo plan d’infraestructuras universitarias.

Cuanto a la financiación, Rudi creye que cal diversificar as fuents de diners, treballar de conchunta con institutos d’investigación y interpresas ta conseguir fundos, y premiar os logros más destacaus en investigación y amostranza.

Encara que no ha charrau de retalladas dreitament, seguntes as suyas parolas “o futuro d’a universidat penderá de quanto poder pueda fer ta puyar a eficacia y eficiencia en a chestión d’os recursos suyos con obligadas midas ta cabidar y controlar o gasto”, porque “l’austeridat ye una faina que nos embreca a totz”.

Manuel lópez, en o suyo discurso, ha decidiu de sozrayar a importancia d’a Universidat de Zaragoza en dembas economicas, socials y politicas y remera que Aragón sería un 22,8 % más pobre sin a institución academica y que de cada euro que invertiu en a Universidat en tornan t’a sociedat dos y meyo. Tamién remera que a Universidat ye cumplindo con o control d’a deuda y que no demandará más diners a las institucions.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.