Prencipia o curso escolar con protestas y cinco escuelas rurals menos

Hue yera o primer diya de clase en Infantil y Primaria

Protesta contra as retalladas (Foto: Arainfo)

Protesta contra as retalladas (Foto: Arainfo)

O curso escolar 2012-2013 dificilment podría prencipiar con más empandullo. As retalladas en Educación han feito que muitas cosas haigan cambiau dende o curso pasau y ixo s’ha notau a ran lochistico y por as protestas de buena parti d’a comunidat educativa.

Istas retalladas han feito zarrar cinco escuelas en lugars chicorrons d’Aragón. As localidatz de Libros (Comunidat de Teruel), Loscos (Xiloca), Palomar (Cuencas Mineras), Castigaleu (Ribargorza) y Sodeto (Monegros) han visto zarrar as suyas escuelas. D’atra man, a nueva politica cuanto a las becas de minchador han feito que bellas linias d’autobuses escolars cambien os suyos horarios ta que as familias miren de escusar-se ixe gasto que, en o mes de setiembre, puet estar de 100 € por zagal.

L’ambient ya yera rusient dende fa tiempo. Iste chueves una reunión d’a consellera Serrat con equipos directivos de centros en Zaragoza, remató con profesors sacando-se as chambretas verdas que portiaban porque a policía no les heba deixau dentrar-ie en levar-las. As protestas han continau hue. En buena cosa de centros de tot Aragón bi ha habiu protestas de bella mena: chifladas, pancartas, u meter siluetas de cartón como si estasen os profesors no achustaus, en son belunas.

Arrienda colectivos y organizacions y a Marea Verda continan organizando actos y protestas contra ista politica educativa. Se han convocau concentracions y protestas ta lo viernes, quan prencipia o curso en a educación secundaria y o lunes, que lo ferán os univesitarios.

De man d’o gubierno se contina prebando de fer más suaus as retalladas y remeran que “contina habendo-ie aulas rurals con menos de cinco alumnos, remanen todas as modalidatz de bachillerato en o meyo rural, y as ratios no se puyarán tanto, en contimparando-las con a meya de l’estau”. Si que reconoixen as baixada d’o numer de profesors en 450, encara que bellas organizacions puyan dita cifra dica los 1100.

Una rispuesta a Prencipia o curso escolar con protestas y cinco escuelas rurals menos

  1. Pingback: Prencipia o curso escolar con protestas y cinco escuelas rurals menos | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos necesarios están marcados *

Connect with Facebook

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.